Biden US President A Si Cun USA Ka Phan Lai Na Ti Maw?

Biden thawngin US kan phan lai timi cu Bawipa bochan loin minung i bochan a si. …Bawipa nih innkaa an onpiak lo ah cun Biden hmanh va tling sehlaw na phan hlei lai lo. Bawipa na cung i aa lomh ko ah cun Biden tlin lo zongin AUS lei zongah Bawipa nih an kuat ko lai Minung a biapi lo. Bawipa hi a biapi bik a si cu caah Bawipa tu kha i bochan ko zeizong vialte tuah kho tu le na saduhthah tlin ter kho tu cu Bawipa long a si.

Obama lio ah minung tampi an phan na ti men lai cucu Bawipa nih ram thum nak phan dingin innkaa a on piak mi hna an si caah a si ko a fiang tuk ko. …Mah lio i Malay um mi tu tiang phan hlei lo mi kan tamtuk ko cuta..!!

Cu caah a mah duh nak kha kawl hmasa law na herh mi vialte nih na hnu in an in zulh ko lai. …hihi kan chim tik ah micheu cu Biakinn phan bal lo mi zong an kal ko nan ti men lai an nu le an pa or an pi le an pu nih Bawipa sin ah zeibantuk thlaici dah an rak tuh timi khi nan theih tung lo. A theitlai a ei tu zong rak si khawh a si cuta. Catialtu : Bor Te

Relchih Dingmi: 1. Pu Hrang Nawl cu bia hman, bia dik a tanh. thuhpheh mang lomi, mi duapdap lo a si. A si lomi a si lo tiah mi mithmai zoh loin a ti ngammipa a si. a mah zong ka palh tiah a ruahmi cu ka “ka palh” tiah fiang tein a cohlang le a chim ngammi a si. mi mithmai zoh in biakhiahnak a tuah bal lo. Hihi midang nih kan tluk khawh lonak tiah ka ruahmi pakhat a si.

2. Pu Hrang Nawl cu a mah le amah zumhnak, boachannak(self confindence) a ngei taktak mi pa si. Mi tampi cu kan theihhngalh a tlawm tuk caah maw a si, zeiruang bik dek a si hnga mah le mah zumhnak ngeimi kan tlawm. Pu Hrang Nawl cu thate in a ruah hnu ah a chim , a chim mi cungah fekte in a dir. zawndamh in bia chim mi le a khiahmi a si bal lo. a mah le amah fekte in zumhnak, bochannak a ngei taktak mi a si. hihi pu Hrang Nawl midang nih kan tluk lonak tiin ka ruahmi pahnih nak a si.

3. Pu Hrang Nawl cu pa raltha, harnak a ing kho taktakmi, zumh awktlak hawikom tha a si. kawl cozah doh dingin tapung a si ruangah paraltha ka ti duhnak a si theng lo. Amah nih a dik, a hman a timi cungah cun aho pasal hmamh a kian lomi, paraltha a si. mi za pi nih kan hmuh bantuk in , a no deuh lio ah cun bawngbi tlepte in hnur lomi cu aa hruk duh lo. sihmanhsehlaw, Pu Hrang Nawl cu thilpuan rep lo, umnak innrep hmanh a ngei lo nain cu harnak nih cu a pelt hmanh a dawn lo. Harnak le sifahnak tiang zong a ing kho taktak mipa a si. Hi kong hi zapi theihhngalh a si ko. Mi dang caah zawnruahnak a ngei i, midang caah harnak in a zuam mipa a si. (Chim ding dang ka ngei len rih nain pathum in na ti caah)