Biden Cu A Thin A Phang Tuk Lai! An Thil Hmuhmi Hi a Tenau Lo!

Kum 2020 US election cu a hram in thok phun a si cangko. Dih dawh a si rih lo hi tah. Trump le ateam pawl nih bia fiang an theih hlanlo chung poh cu President hi a fiang lai lo kohih. US Senator a simi Lindsey Graham nih cun tutan US ithimnak i Media kip nih Joe Biden avoi 46nak US President sinak an pek colhmi kong he chim fiannak a tuah.

Hi ti hin langhternak a tuah ‘ Media nih hin President cu aho aho si timi thimnak nawl a ngei lo. An neih a si ahcun zeitik hmanh ah a zungzal in Republican President hi nan ngei bal lai lo. Trump team nih cun tha tak tak tein vote thlak ning an zoh cuahmah i Pennsylvania i an hmuhmi cu 100 hrawng cu a thi cangmi vote tiah an tuaktan, dothlat cuahmah a si.

Republican nih US ithiamnak phung (Election System) hi a do lo i a thlen lo ahcun zeitikhmanh ah Republican President an chuak than ti lai lo. President Trump nih hi thil hi fawi tein a cohlan awk a si lo. Vote zong tampi rel awk a um rih. Cucaah hi thil hi phung ning tein kan doh peng lai tiah a chim.