Benjamin Sum Hrangah Hla An Phuahmi Cu A Mak Lawlaw! Video+

Tutan Myanmar Idol kong cu tampi chim a hau ti lo. Zei mawzat cu kan theih dih cang ko lai dah! A sinain Zei tluk in dah Kawl ram pumpi ah Chin Miphun kan hmai a hngal. Myanmar Idol top 5 tiangah Chin Miphun pathum bak an tling cucu Pathian nih Chin Miphun a kan cawisang ti hi el awk a tha bak lo.

Tutan ah a hlei khun in kan uarmi Benjamin Sum caah hal an vun phuahmi cu a tha lawlaw! Na ngai cangmaw? vun ngai ve hmanh! A phuahtu hi a min ah Aung Thein Oo a si i, a satu hi John Malsawm a si. A tha kho taktak. An phuahmi a tlangtar cu (Ruahchannak) ti a si. a tang lei ah Tube link in zoh khawh a si.

Cun Mipi nih kan theih dingmi pakhat te cu tutan Myanmar Idol ah a cheu nih Vote tampi pek ding tiah an ti. A cheu nih cun mipi vote hmanh an langhter ngam lo. Cu caah vote bak lo ding tiah an chim ve. A sinain kan ruah dingah ka duhmi cu Vote cu an langhter lem lai lo nain Chin Miphun chungin top 5 tiang an phanh caah kan vote ve hrimhrim hna ding cu a si. Vote kan pek hna lo ahcun Kawlpawl le a tuahtu Idol tawlreltu pawl nih an mah Miphun hmanh nih vote an pe hna lo an ti ahcun an tlak ter colh hna lai. Cu caah vote kan langhter lo zongah kan miphun tanhnak caah vote a thla khomi poh nih cun vote hrimhrim ding an si.

 541 total views,  1 views today

This function has been disabled for Chin 11 News.