Benjamin Nih Winner A Ngah Te Lai Ka Zumh

Benjamin nih winner a ngah lai ka zumh bik. Myanmar Idol season 4 Grand final ah minung pathum an tang. Benjamin Sum, Esther le Aye Myat Phyo an tang. Mahhi chung ah winner thim ding a si cang.

Judge nih 50% vote an ngei i mipi nih 50% vote an ngei ve ti a si. Cu tikah judge nih an uar bikmi Benjamin a si tiin ka hmuh. Benjamin hi bottom 3 ah voikhat te lawnglawng a thu rih. Esther voithum a thu cang i Aye Myat Phyo voihnih a thu ve cang.

Cu hlan an cawlcangh ning le an sining ka zoh tikah hin Benjamin Sum nih winner a co te ko lai tihi keimah pumpak ka zumhnak bak a si. Mipi vote zong cu a biapi tuk ve bantuk in judge pawl biakhiahnak vote zong hi a biapi taktak mi a si ve.

Sinain Esther le Aye Myat Phyu zong hi an fan an tamtuk ve caah winner zong an si kho ve thiam ko. Pathum lawng an tan cang caah an dihlak in an fan an tam dih cang. A biapi tukmi winner thimnak a si cang caah fans pawl biatak tein thazang an chuah cio cang hna. A ra laimi can ah zeitin thil a kal lai theih a si rih lo nain a luancia can cawlcanghnak ka zoh tikah Benjamin nih winner a ngah lai ka zumh bik.

Ka tanh ruangah a si lo. Hohmanh tanh hlei ngei lo tein ca ka tial. Winner ding ah keimah pumpak zumh mi tu kha ka chim. A va si te maw si te lo cu thei ve hlah. Mah zumhnak chimmi a si.

 

 324 total views,  3 views today

This function has been disabled for Chin 11 News.