Benjamin Hi Voikhat Hmah Bottom 3 Ah A Thut Rih Lomi Hi Phurhdah Awk Tete A Um Maw?

Benjamin Sum bottom 3 ah voikhat hmanh a thut rih lomi hi timh ciami a um sual  hnga maw tiah ka lung a hring ngai ko cang.

Myanmar Idol season 4 Top finnalist 11 chung ahhin voikhat hmanh bottom 3 ah a thu bak rih lomi cu Benjamin Sum lawng a si. A dang hi an thu dih cang. A thiam bak an timi le fan zong a ngei tam bak an timi Esther le Aye Myat Phyu hi voi hnih veve an thu cang.

Ziah zei raung bik ah dah Benjamin Sum hi bottom 3 ah a thut bak ve hnga lo. Voting a tlawm cem pathum chung ah i tel lo caah a si tiah an kal ning cun a fian ning a si. Hmanhseh minung ruahnak in lung a hring ngai ko cang. Hawi dang zong hi fan an ngei tamtuk cio ko i voting zong an ngei tamtuk cio ko nain Bottom 3 ahhin a thu lomi an um hlei lo.

Benjamin hi Bottom 3 ah thu seh ti ka duhnak a si lo. Thu bak hlah seh ti kha ka duh mi a si ve ko. Nain Esther le Aye Myat Phyu, Moo Lar le Zaw Kee te hna zong bottom 3 ah voihnih kheng te an thu cang Benjamin voikhat tel a thut ve lomi hi khuaruahhar cu a si pah ko cang.

Nikum Myanmar Idol season 3 an rak tuah lio ah khan winner a ngahmi Phyo Myat Aung kha voikhat hmanh bottom 3 ah a rak thu lomi a si. A dang an rak thu dih cio. Nain Phyo Myat Aung kha voikhat hmanh botton 3 ah thu lo tein wunner  a ngah mi a rak si.

Nikum bantuk in tukum zong hi Benjamin Sum hi winner si te seh ti phun in ruah ciami le timh ciami hna an ngei hnga maw tiah lung a hring pah ko. Nikum kha Phyo Myat Aung caah pei a hlan tein winner nan timh piak i bottom 3 ah voikhat hmanh nan thut ter duh lo kha tiah Kawl pawl soisel media ah a rak lar taktak bal.

Mipi voting hi bia hi an khiah taktak hnga maw aw ti hi ruah lo awk a tha lo. Tuzan zong ho poh nih Naw Say Say Htoo a tla lai tiah ruah ciomi a si i a tla taktak ko. Zahan a hlasak an ngaih khan a tla men lai tiah an zumh mi a si i tuzan ah a tla taktak ko. Tan Khun Kyaw zong kha Myanmar Idol lei he tlaampal buainak an ngei ti zong rak theih a si a tla ko. Voting hi a kal taktak lo hlah maw aw. An mah tuanvo ngeitu nih uar bikmi hi an ngei ko hlah maw. Benjamin Sum hi tuanvo ngeitu an uar bik ruangah a si men lai tihi ruah awk a um ngai. Tanhmi ngei lo tein khua ruat hmanh law.

 

 465 total views,  2 views today

This function has been disabled for Chin 11 News.