Benben Le Esther Nih Yangon Ah Fan Meeting An Tuah Veve

Benben le Esther nih fan meeting an tuah veve. An hmanthlak pawl zoh duh mi caah a tang lei ah zoh khawh a si.

Benben Fan meeting

Myanmar Idol season 4 ah Grand final tiang a phan cangmi Benjamin Sum le Esther nih Yangon khuapi ah fan meeting an tuah ve. Esther nih a dang te ah a tuah i Benjamin nih a dang te ah a tuah.

Benben fan meeting

Nihin December 23, 2019 ni ah an fan pawl he hmunkhat te ah bia i ruah tinak le i ton tinak an tuah hna. Kawl media pawl nih Chin kan arfi pahnih cu a zelh bak in an zelh ko hna.

Esther fan meeting

Myanmar Idol season 4 Grand final ah minung pathum an si i Esther, Benjamin le Aye Myat Phyu an si hna. Tutan Grand final cu winner i cuh ding bak a si cang caah biatak tein an mah pathum zong thazang an la cang i an fan pawl zong thazang an chuah cio cang hna. Nilini zan ah zuamnak an tuah than lai. Hodah winner a si te lai timi cu mipi vote nih lairel ko lai caah ruahdamh awk a har bak ko hih.

Esther fan meeting

An pahnih chung ahhin pakhat poh winner si hram hna seh. Tluang tein hla an sak khawhnak hnga thlacamnak zong in bawm cio hna usih. Hmailei Chin miphun hmaihngaltertu le Chinmi caah thil tha tampi a tuah dingmi a si. Myanmar Idol Grand final ah Chin pahnih an i tel khawh hi a sunglawi tukmi a si.

Esther fan meeting

An fan pawl nih share khawh a si.

 

 355 total views,  1 views today

This function has been disabled for Chin 11 News.