Beirut Tilawng Dinhnak Hmun Puahkeh Nak Kong Ah Israel Le Hezbollah Hrialtlai Pawl Hmurka

Lebanon ram Beirut City ah minung 100 leng nunnak a liam mi le minung 4000 lengkai nih hliamhma faktuk an hmuh mi tilawng dinhnak hmun ah puahkeh nak kong he pehtlai in Israel le Hezbollah hriamtlai pawl hi lunghrinh mi an si hna nain Israel nih cun kan si lo tiah (Israel Defense Forces) IDF nih fiang tein a chim. Cu Labanon ramchung hrialtlai a si ve mi Hezbollah hriamtlai pawl nih hi puahkeh nak hi Rocket in rak kah mi a si lo I kanmah he pehtlaih nak zeihmanh a um lo tiah an chim ve.

Hi puahkeh nak ruang ah hin mi 100 nunnak a liam mi le minung 4000 lengkai nih hliamhma an hmuh mi hmanh hi thawngfiang a si rih lo I hi nak tam zong an si kho, cazin ah kan khumh rih lo mi hna zong an um kho rih tiah an langhter.

Cun nizan bomb puahnak hmun hi awlzaang tein a puak kho mi hna thilri pawl an chiah hna nak hmun, tilawng dinhnak kudawng a si i Covid-19 ruang ah ramchung chawleh nak a tumchuk tuk lio caan le kum zabu tampi chung ah a fakbik mi puahkeh nak zong a si tiah an langhter.

Beirut tikulh hi ral hriamnam tlun kal pi nak hmun ah an hman mi a si fawn caah hi puahkeh nak hi Hezbollah hriamtlai pawl an si ko lai tiah Israel nih cun an chim ve hna. Asinain zeihmanh a fekfuan mi tehte an ngeih ve lo caah Hezbollah hriamtlai pawl nih Rocket in an kah ko hna ti hi cu Israel zong nih fak piin an aupi ngam ve lo.

Lebanon ralkap nih an ral hriamnam pawl an chiah nak hmun Israel ralkap nih Rocket in an rak kah mi hna a si tiah thawngpang tete a chuak mi kong ah Hezbollah hriamtlai phu nih cun thawngpang hman lo a si tiah an langhter ve.

Cun Lebanon ralbawi pakhat nih a chim ve mi cu meng 150 a hlat nak hmun Cyprus tikhulh hmanh in hi puahkeh nak thawngpang hi kan theih khawh caah Israel nih an rak kah mi cu a si kho lo, ralrin lo tuk ruang ah puahkeh nak hi a chuak mi a si ko lai tiah a chim ve.

Source: Akon Thi (Burmese-Hakha Translate) 

 146 total views,  1 views today

This function has been disabled for Chin 11 News.