Beirut Khualipi Bom A Puak Kong Ah A Hnubik Thawngzamh Nih An Langhter Mi

Lebanon khualipi Beirut khua tilawng dinhnak pawngah bom a puak tiah Lebanon’s state news agency NNA nih a thanh. Minung 100 renglo an thi I, minung 4000 an I hliam an ti. Bom a puakmi hi ngan dawh a ngai a si.

Meng 125 a hlatnak Cyprus tikulh hmanh in an theih khawh ti a si. Lebanon’s PM Hassan Diab umnak in zong a rawk I, a nupi le a fanu zong hliamhma an tuar ti si. Inn lo a rawkmi tangah a thimi le a hliammi tampi an um rih lai tiah an zumh. Chemical an chiahnak in a puakmi bomb a si lai tiah an zumh.

Cun hi puahkeh nak ruang ah pumpak le misual kut a si ah cun an tuahmi he ai tlak ning in dantat nak le sualphawt nak zong an in ai tiah Lebanon’s Supreme Defence Council nih cun a chim. Cun 2005 lio ah an rak thah mi ex-Prime Minister Rafik Hariri kong he pehtlai in mithat tu hna a hnubik dantat nak an pek hna ni he ai neih tuk lio a si fawn caah hi puahkeh nak he hin pehtlaih nak a ngei ko lai tiah zong an ruahdomh pah mi a si.

Lebanon vuanci zong nih hi puahkeh nak hi rampumpi nih kan tonmi ngaihchiat nak ni a si tiah a chim. Hi kong he pehtlai in UK le French zong nih zeikong a si hmanh ah bawmhnak pek ding in timcia peng kan si ko tiah an chim ve.

BBC

 129 total views,  1 views today

This function has been disabled for Chin 11 News.