Beckham Te Nupa Nih An Fapa Nupi Thit Lawmhpi Nak Caah Thilsung Lawi Tuk Tuah Piak An Timh Hna!!

Englang bawlungchuih thim David Beckham le a Nupi hlasak thiam le Fashion designer a simi Victoria Beckham hna i, an fapa upa bik Brooklyn Beckham le a nungak muidawh Nicola Peltz hna cu July 11,2020 ah thitumnak tuah dingin i hamnak an ngei. A sinain pandemic ruangah thitumnak caan hi an thial i, an i thitumh ding ni tatkak hi fiangtein chim awk a tha rih lo.

Brokklyn Beckham hi kum 21 lawng a si i, a nupi hammi hi Nicola belte cu 25 a si cang. Mi cheukhat nih a nupi thit ding cun a kum a no deuh rih tiah a chimmi tampi an um ve.

A nupi ham mi Nicola Peltz zong hi milar minthang pakhat a si ve i, film zeimawzat a cangmi a si. David Beckham le a nupi Victora zong nih an fapa nupi thit ding cu an lawmh pi. A nupi thit lawmhpinak caah ti in Inn tha taktak cawk piak an timh hna tiah an chim.

East London hrawngah hin an fa le um nak ding inn cawk ding cu an kawl tiah theih a si i, Brooklyn zong nih UK i khuasak i, um cu a lungthlitum a si ve ko tiah a chim.

A sinain, a rian ruangah US lei ah caan hmang deuh ding in an um i, Broolyn hi a pa bantuk si loin nungak hi tam ngai a ngei manh i, thla 4 chungah nungak 4 a thleng mangh an ti.