Bawmhnak Pek Dingin A Kal Mi Minung Pa 6 Hna Cu An Thah Hna Hnu An Mawtaw Zong An Khangh Piak Dih Hna

Nigeria ram ah bawmhnak pek ding in a kal mi hna French miphun minung pa 6 hna le Nigeria miphun mawtaw mongtu (driver) hna cu ralhrang pawl an si ko lai tiah zumh mi hna nih motorcycle in an rak doi hna hnu ah meithal in an kah dih hna i an mawtaw zong an rak khangh piak dih hna tiah Nigeria ram acozah lei nih thawngthanh nak an tuah ning a si.

Africa ram nitlak lei Niamey City in kilimiter 65 (mile 40) tluk a hlat nak hmun ah hi thahnawn nak hi a chuak mi a si tiin Tillaberi acozah lei riantuan tu a si mi Tidjani Ibrahim Katiella nih Reuters thawngzamh sin ah a chim.

Meithal kahnak in a thi mi hna minung pa 6 hi French miphun ACTED ah rian a tuan mi hna an si i Nigeria ram ah bawmhnak pek ding in an kal ter mi hna an si tiah Nigeria ram ngandam nak lei vuanci Issoufou Katambe zong nih Reuters thawngzamh sinah a chim ning a si.

French ram le ramdang tampi hna nih Nigeria ram chung i Boko Haram ralhrang le Islam ralhrang pawl an umkal nak hmunhma hrawng ah hin cun khualtlawn lo ding in nawl an chuah mi zong a si.

French President Emmannuel Macron nih thihnak thawngpang an theih hnuin Nigeria President Mahamadou Issoufou he zong phone chawnhnak in thawngpang fiang an i thanh pinah an lungthat lonak kong zong biaruah nak an ngei.

Hi thahnawn nak a chuah tertu hna hi Nigeria cozah a dohmi hna ralhrang pawl an si ko lai tiah an zumh mi hna a si nain zeibantun ralhrang dah an si ti cu an hngal kho rih hna lo.

Source: Akon Thi (Burmese-Hakha)

 134 total views,  1 views today

This function has been disabled for Chin 11 News.