Bawlung Chuih Zohnak Hmun Ah Sex Dolls Tamtuk An Rak Chiah Hna

South Korean ah May 17 ah khan league pakhat an chuih nak hmun ah bawlcung chuih zohtu ding ah tiin an rak chiah mi milem pawl hi sex dolls lawng te an rak si ruang ah faktuk in soisel nak an rak tong. Hi an rak chiah mi hna sex dolls pawl hi FC Seoul fans ai-awh tu ah an rak ken mi hna a si ruang ah FC Seoul pawl nih S. Korea mipi sinah ngaihthiam hal nak zong an tuah hna.

Covid-19 ruang ah bawlung puai zoh ding in mipi kal awk a that lo caah mipi ai-awh tu ding ah milem pawl an rak chiah mi a si ko nain an rak palh sual a si lai sex dolls lawngte an rak chiah piak hna pinah an chiah mi hna pawl zong zoh dawh lo deuh pawl lawngte an rak si ruang ah soisel tu an rak tamtuk nak hi a si.

FC Seoul nih cun “Kan mipi sinah ngaihthiam kan in hal ko hna, May 17 ah bawlung kan chuih lio i mipi ai-awh in kan rak chiah mi hna milem pawl kha sex dolls lawng te an rak si ti kha kan hngalh a tlai deuh caah kan fimtawl manh ti hna lo.

Cun hi milem pawl hi Dalkom Company ah kan cah mi hna an si i anmah nih an kan timlamh piak mi pawl an si. Hi bantuk in palh sualnak a um nak hnga lo ding ah voitampi zong kan chim ko hna nain an rak palh sual caah a si lai” tiah FC Seoul nih cun an chim cawlh ve.

Ref: DVB

 110 total views,  1 views today

This function has been disabled for Chin 11 News.