Bawipa Nangmah Dah Tilo Cu Bochan Dingdang Kan Neilo: A Tuhi Ralhrang Motor 80 Leng Chinram Ah AN Rak Kai Than

Bawipa Nangmah Dah Tilo Cu Bochan Dingdang Kan Neilo: A Tuhi Ralhrang Motor 80 Leng Chinram Ah AN Rak Kai Than

SAC ralhrang hna i riahcaw le hriamnam hna a phormi leilawng 80nak tam cu Chin ram lei ah an rak kai tiah Yaw A Lyin Htan(ယောအလင်းတန်း) nih a langhter.

Atu a rak kaimi hna hi Vaute 10 zing tuante ah Magway ramṭhen Pakokku(ပခုက္ကူမြို့) khua in an rak chuah hi a si i minung le hriamnam hna a phorh hna tiah theih a si.

“Pakokku battalion(101) in ralhrang leilawng 25 cu Pauk(ပေါက်မြို့)khua lonh in nitlak lei ah an kal. Cun a dang leilawng 57 cu Kamma(ကံမမြို့) khua lonh in Chin ram lei ah an kal” tiah Yaw A Lyin Htan nih a langhter.
Ralhrang leilawng 80 nak tam cu zeitik ah Chin ram ah an luh te lai ti hngalh a si lo. Atu Vaute 10 zaan tiang kan zoh peng ko hna tiah a ṭial chih.Crd.. CCNC

Relchap>>>>>>Minung 5 An Thi
==========
Karen ram, Hpa-pun (ဖာပွန်)pengkomh Ka-tain-ti(ကတိုင်တိ) khua palik sakhan le SAC ralhrang kuttang um BGF hna cu KNLA (Karen National Liberty Army) nih an luh hnawh hna i Palik sakhan hmu pakhat telh in ralhrang lei tang BGF minung 5 an thi tiah kan kan theih.

March 5 palik sakhan cu luh hnawh in an chuh hna caah Palik sakhan hmu pakhat le nu palik pakhat an thi. Mah ni lila ah SAC ralhrang kuttang um mi BGF zong an kah chih hna caah minung 3 an thi i minung 6 hliam an pu.’tiah KNLA nih March 10 ah thanh ca a chuah.

March 8 ni ah ralhrang kuttang um BGF nih hriamngan in khuachung an kah caah nu ngakchia pakhat le kum 39 tluk nu pakhat hliam an tuar. Mah pin ah ralhrang nih khuami leikuang riantuan le dumhau tuah mi an kah hramhram hna caah khua mi a thi mi le hliamtuar mi zong an um hna tiah kan theih. (ref:Than Lwin Time)