Bawipa Kan i Lawmtuk EE: Klay In Hakha A Kal Mi Ralhrang Cu An Motor 13 Le JCB Pakhat Chin Ralkap Nih An Hrawh Piak Cang Hna

Bawipa Kan i Lawmtuk EE: Klay In Hakha A Kal Mi Ralhrang Cu An Motor 13 Le JCB Pakhat Chin Ralkap Nih An Hrawh Piak Cang Hna

Kalay in SAC ralhrang hi March ni 5 in an rak kai i a tu April ni 12 tiang an i tinh nak Hakha an phan kho lo. Thlakhat leng an rau cang tinak a si i a tuzong lampi ah an taang peng ko rih.

Kalay in Hakha hi nikhat lam kal a si lo nain nihin tiang an taang nak a ruang cu kal khawh loin kan chin ralkap nih an kham hna i an phomh hna. Kalay in an rak kai in nihin tiang kan chin ralkap bu hna nih an kah peng hna i ralhrang a thimi an dihlak hi 100 deng an si lai tiah zumh a si. Hliam hmatuar hi minung 30-40 karlak hawng an si lai tiah zumh a si.

Chin ram an rak kai bak in an phomh hna i Tlangzar le Kalay karlak ah hin an motor hman mi hi Chin ralkap nih 5 hrawng an hrawh piak hna . Falam in Chuncung karlak lawng ah an motor kee 12 nih telh in kan chin ralkap nih an motor hi 8 an hrawh piak hna tiah Chin Net nih an tar.

Cun Zahan zaan tiang ah kan theih mi ahcun lam remh pah nak i an van i phurh mi an JCB zong chin ralkap nih Chuncung khua phak lai hrawng ah an hrawh piak than hna tiah kan theih. Tutan kan chin ralkap an cawlcangh cu an hlawh a tling taktak. Pathian nih kan miphun hi a kan um pi taktak ko.

Ralhrang motor a rak kai mi hi a tam ngai i hi chungah hin kan chin ralkap nih 13 an hrawh cang i Cun JCB pakhat aa tel tiah kan theih. Kan palh nak um ahcun kan remh than lai hihi Media a tam deuh nih an langhter lo caah ka van langhter nak a si. Crd… Ceu Bawi

Relchap>>>>Tuzing ahkhan Kalay peng i a ummi kan ralkap PDF minung 10 cu hriamnam tha phuntling he ralhrang nih phone line vialte an phih dih hnu ah an kulh hna i an tlaih hna. Pakhat cu faktuk in an vuak caah photo ah an langhter lo.

A thimi cu a thimi an va si cang ko i kan vai lungsak a hau tawn, asinain hi bantuk nung buin tlaih mi ka hmuh ahcun ka celh lo bikmi asi😭 Cutluk ka lungfah cu ka nunnak hi pek in chanh kho ding hei sisehlaw ka nunnak hmanh ka pek ko hnga mu🙏 Var i an tlaihmi ralhrang 14 he khan thlen hna ding an si. Asinain kan lung a thawng chinchin lai!

Hi thil hi kan ralkap pawl i ralrinlo bia silo in ralhrang nih phone line le Internet an phih dih, cun Dalan nih an umnak hmun hi dikdiar in a chimh hna caah asi tiah lunghrin asi. A poi ti pin cu chim awk a um ti lo! An photo zoh ahkhin an hnarthi a chuak ngai in a lang thlacamnak in bawm cio hna usih🙏