Bawipa Kan Dirpi Ko, Bochan Dingdang Kan Ngei Lo

Khualhringtlang ah khua 13 kan um – June 10 thok in CDF le Ralkap kah dohnak a chuak. Nihin ahcun khua hngak Vok le Aar hmanh an ning a ttih cang. Inn lawi le rawl hlam caan hngal ti lo in himnak kawl in chuk le cho ah an vai dih cang mu.

Zeithei lo dumhau hram le run inn tang a tlawng Aarpi farual le Vokpi farual bal an cilsa hmanh dolh manh loin mifir nih an thur dih hna mu.

Kan run inn pi le kan chumtual hna cu an tthing riangmang ne ai mu. Har an ti in an in hlam tuk ve hna lai mu. Run inn tang i Nan keneh le kutneh hna khi zeitiang khi hme an tang rih lai- zanmang manh lo kan ton thil cu, lung a fak in tuar a har ko mu.

Kan khua le Ram, Unau, nulepa hna kong ruah ahcun rawl ei ngam ding le Hni puan ttha aa hruk ngam ding kan si lo mu. Kan BBQ tuahnak le kan vahveihnak hmanthlak zong post ngam awk a si rua lo.

Hi dir hmun kan phanh ding hi a kan hruaitu kan Pa/Nu nih an rak hmuh chung khawh caah cabuai cung in ral an rak dohnak cu a rak si. Nihin ahcun Kan duh zong, duh lo zong ah hihi kan dirhmun a si ko cang. Kan zaam dih in hnu ah kan pil dih ko ne lai maw?

Ramchung um Pasal/Nusal ttha hna nan taisawm i sawmh in nan biarkaih fehter chin ulaw kan khua/Ram caah lungrual in dir tti usih. Ramleng um miphun hawi vialte zong kan taw zang in kan kutsamh chin hna usih.

Dollor hmannak vawlei le Ram kan um hi Pathian nih tinhmi a kan ngeih caah a si ko. Teinak cu Bawipa ta a si! Thlacamnak le kutsamhnak in i bawm chin hna usih. Credit; Mang Bik Cung Hlawnceu

Be the first to comment

Leave a Reply

Your email address will not be published.


*