Barca Caah Puai 700 A Chuih Cang Messi

Barcelona cu Champions League group stage an chuihnak ah German club Borussia Dortmund cu Camp Nau ah an chuih I, Hi puai an chuih ah hin Barcelona Captain Lionel Messi chuih ve in puai 700 nak a chuih hi a si.

Hi an chuih nak ah hin Barcelona hi 3-1 in teinak an hmu I, Messi cu a cawlcang kho ngai caah kawl 1 a thun pin ah mikawl thun dingin voihnih a siam chih. KUm 32 minung hi vawlei cungah a tha bikmi ah an ruah bantuk in tutan zongah a thiamnak hi a vun langhter khotu a si.

Barcelona tuanbia ah hin puai 700 a chuih mi hi minung pahnih lawng bak an si I, Messi pin ah hin Xavi hi Barca caah puai 767 a chuih I, Barcelona caah a chuih tam bikmi hi a si.

Messi hi Champions League ah club dangdang 34 lakah kawl a thun cang I, a mah lawnglawng hi Champions League I club dangdang 34 lakah kawl thun kho a si. Cristiano Ronaldo le Raul hna hi club dangdang 33 lakah kawl an thun ve cang.

Messi hi Barca caah puai 700 a chuih cangmi ah kawl 613 a thun I, assist 237 a ngei fawn I, Laksawng (Trophy) 34 bak a lak cang fawn. Messi hi Barcelona academy chuak a si I, kum 2004 khan Barca senior team chuih hram a thok I, tutiang hi club dangah a thial rih lo. Ronaldinho le Messi hi Barcelona tuanbia minthang bik ah ruah an si.

Ref: IK

 404 total views,  1 views today

This function has been disabled for Chin 11 News.