Barack Obama Upa nih Trump vote Uh A Ti I A Naupa Barack Obama A Soisel

2020 American president thmnak cu November 3 ah an nei cang lai. Vulei cung i pabik i zoh mi an si caah an ram hruaitu a that a si ah cun vulei pi hi a dai i a nuam.

Tutan thimnak ah Donald Trump le Joe Biden hi a sang veve mi an si, 2020 president si khawh nak tu cu mipi kut ah a hngat ve. Barack Obama president a tuan lio ah Joe Biden hi a kuttang vice president a rak si caah tu bantuk in Obama nih Joe Biden cu a hreh nak poh ah a bawmh.

A sinain Kenya ram i a um mi Malik Obama (kum 62 ) pa nih President Donald Trump hi vote uh tiah a chim, va chim uh a ti. Trump cu titer le biathuh a hmang lo. Cun a hnget tuk i tih zong a nei lo Trump cu 110% in a lei ah ka tang ti ah a chim.

Malik Obama hi Kenya ram i um mi a si nain Us mi sinak a nei, Joe Beden kong bia an hal nak ah Malik Obama nih A hlawhtling lai lo , a ha zong an pawng dih deng cang, zoh ulaw a thi deng cang mi a bang a ti.

A nau Barack Obama zong a rum caah a puarhrang tiah a soisel. kan hnu zarh chungah khan cauk a chuak i anau Obama hi an i pehtlai nak pawl kong a tial a cauk min ah ‘Big Bad Brother From kenya tiah a ti.

A cauk chungah cun Obama zong a soisel ngai , Kenya a unau ,le a chungkhar pawl zawng zei ah a rel lo a ti. 2014 ah a pa far nu Boston a thi i, phaisa neih mi a nei lo.

Kenya ram i a ruak tlunpi ding a si i, phaisa $ 20,000 an va hal i Obama nih cu a tamtuk a ti i $5,000 a rak kuat. Malik Obama nih ka ni a dam lio ah a rak daw tuk tu si nan tiah a tial.

Thil tampi hi kong hi a tial, bia zong kan i el lengmang . Malik Obama nih cun phaisa tampi a nei cang i a puarhrang a ti, a mah hi upat le biak a duh. A u ka si caah hihi ka tuah kho hrimhrim lo a ti.

 291 total views,  1 views today

This function has been disabled for Chin 11 News.