Barack Obama Nih Zeitluk Indah Joe Biden Hi A Dirkamh Ti A Langhter Ngai Cang

By Salai Lairamthan 

Obama nih Biden Bia Tamtuk Chim Lo Dingah Ralrinnak Pek. Democratic Party tuanvo ngeitu hna nih The New York Time ah fiang tein an chimmi cu, President hlun, Obama nih President a cuh dingmi, Joe Biden cu tawi tein biachim ding, tawi tein catial, tweets tuah ding le interview ah tawite lawng in biachim dingah ruahnak a pek an ti.

Joe Biden cu Obama nih a hnulei in a tlaihmi a si tiah voi tampi thawngpang a chuak bal. Tutan democrats pawl nih fiang tein an chimmi nih Joe Biden cu Obama nih a hnulei in a tlaih ko timi a fianternak a si an ti.

Joe Biden a lungloh tuk cang caah Interview le bia a chim caan poah ah a palh lengmang. A biachim mi hnu le hmai a hngal kho tuk ti lo, a biachim mi a cawh pawlh lengmang caah atu bantuk in Obama nih bia tampi chim ti lo dingah ralrinnak a pek hi a si lai an ti.

Main Sream Media, CNN, MSBC, ABC le Washington Post tibantuk pawl nih Joe Biden cu opinion poll ah teinak an pek lengmang nain a taktak a zum ngam lo. A lung loh tuk a thlah phoih sual lai ti an phang. Mah ruangah a ttanhtu pawl an lung rawk ngaingai ti a si. Donald Trump he debate tuah tik ah biachim a palh sual lai i amual a pho sual lai ti an phang ngainga.

 

 137 total views,  1 views today

This function has been disabled for Chin 11 News.