Aye Myait Thu Cu Facang Tun A Liang Cung Ah Khinh In Mi Harsa Bawmh Ding Ah A Kal

Uar a um kho taktak si. Myanmar model le actress a si mi Aye Myait Thu hi mi harsa bawmh nak lei ah cun uar a um kho tuk mi muidawh le pumruatha mintami pakhat a si.

COVID-19 ruang ah lengchuak kho lin a um mi hna mi harsa pawl le ei-din kong ah harsat nak a tong mi hna pawl bawmhchanh ding in a facang tun cu amah pumpak bak nih a liang cung ah I khinh in a kal mi mintami pakhat a si.

Hi pulrai kong ah hin lengchuak kho loin um cio a si caah mi tampi hna nih cun anmah pumpak in kal lemlo in phaisa thazaang lawng tein bawmhnak hi an pek hna cu theih cio mi a si ko. Asinain anmah pumpak in facang phurh I inn dawng kip sinah bawmhnak va pek ti hi cu an tamtuk lem lo, a bikin nu caah cun rian har ngai zong a si fawn.

“Kei cu lemcang ka si bantuk in mipi nih thazaang pek mi le cawisan mi ka si ko. Cu ruang ah ka mipi hna nih harsat nak an ton caan ah hin cun bawmhchanh duhnak le thazaang pek nak tuah hi cu ka rian a si’ tiah zong mintami Aye Myait Thu nih cun a chim.

Mintami Aye Myait Thu nih amah pumpak bakin facang a liang cung ah khing riangmang in mi harsa a bawmh mi hna hmanthlak pawl cu social media kip nih an hun phozar I mipi zong nih an thangthat tuk hringhran.

 165 total views,  1 views today

This function has been disabled for Chin 11 News.