Australia Nih Ram 100 A Funtom Khawh Cang, US Cu A Tei Bak Ti Khawh A Si

Australia acoza nih Covid-19 a chuak nak le ramkip ah a karh nak kong he pektlai in ram kip fomh mi bu nih (International organization body) hlahhlainak (investigate) tuah ah atha lai tiin bia a chuakpi mi cu ram 100 leng nih an hnathlapi cang i thaizing (19/05/2020) ni tuah ding mi WHA (World Health Assembly) ah an chuak pi cang lai.

WHA ah chuakpi an timhmi draft hi EU nih an chuakpi hmasa mi nakin hmual a ngei deuh, abia a fak deuh. Cu hna ram ah Japan, Russia, Canada, UK, India, Indonesia, New Zealand le EU ram 27 hna le a dang ram pawl an nih tel. USA cu WHA tuahding ah sponsor a tuah ve mi ram cu asi lo nain Australia nih a chuakpi mi hi ram vialte nih dirhpi ding asi tiin Mike Pompeo nih a chim. Hi bantuk ram tampi nih dirhpi mi biatung a si caah China zong nih International body nih hlahhlai nak tuah ding in ka duh ko a ti ve cang (in principle).

Australia acozah nih hi zawhnak kong hlahhlai ding asi tiah a chim hmasa mi le, G 20 leaders hna sinah lobby a tuah ruangah China acozah nih Australia cu chawlehnak lei in dantaknak kan tuah lai (beef le wine kan cawh ti lai lo, kan fa le Australia University ah kan ra kaiter ti hna lai lo, tourist an ra ti lai lo) tiin hrocer nak (threatening) a tuah lawng si loin Beef (Caw sa) import a cheu le Barley import 80% tariff (import tax) ka tuah lai tiin a thanh colh ve. Tuluk acozah nih a hman ton mi cu an mah duh ning in thil a cang lo poah ah Trade (ram khat le ram khat chaw leh nak) hman in dantak (Trade sanction) a hman ton. A dang in chim ahcun bullying tactics a hman ton. Australia le China cu 2014 ah Bilateral Free Trade Agreement min an thut cang ko.

Asi nain, zapi theih bantukin, China cu a mah calawng a zoh i, International Rule le Acts pawl le agreement pawl cu zei tel hmanh ah a rel mi asi lo. South China sea ah aum mi tikulh pawl kong he pektlai in Phillipine, Malaysia, Vietnam, Brunei, Indonesia, Taiwan ram hna he buainak an ngei. Buainak a um mi Tikulh hna ah hramhram in ralkap umnak a ser (Military based a ser) mi kong in Philippine nih Vawlei cung bia ceih zung (Permanent Court of Arbitration at The Hague, Netherland) nih Philippine a tei ter ko mi zong zei tel ah arel lo. China nih a rum nak le chaw lehnak (Economic and Trade power) le hriamnam thazang (Military power) hman in apawngkom ram hna le ram fa deuh tete tampi sinah a cung lei in hnehsak or hramhram or bullied a tuah nak hi a sau pah cang.

A hme deuh mi a derthawm deuh mi le a sifah deuh mi ram hna ca ahcun, Tuluk he pektlaiknak ngeih kho peng ding cu an kut tang ah luh lawlaw in an duh ning te in um ding phun asi cang. Cu bantuk dirhmun in a dir duh lo mi le ram pakhat miphun pakhat ih ngeih dingmi sinak le huham (National Integrity) a dirhpi mi caah cun a har ngai mi dirhmun ah a hun phan. Tuluk nih Australia ram chung ah ramkhel le chawlehnak, Education, communication le National security hna ah thuhpi in atawitam (infiltrate a tuah).

Zei bantuk ruang a va si ah ram hnih kar ah pektlai nah a tha lo (Diplomatic tension) a um poah ah “Australia ram nih nan palh, pektlai nak a tha kho nak ding ah tampi in nan tuah a herh rih” (To improve relationship Australia must do do more) ti hi an chim ton mi cu asi. An kut tan ah va dor hnu lawng ah a tha te lai ti nak asi. Cu ve bantukin ram tampi hna zong ah a tuah ve hna. Africa ram a cheu hna le Asia pacific ram tampi hna cu Tuluk leiba chamhkhawh lo dirhmun an phan. Ram pakhat sinak dirhmun (National Sovereignty) an thlau pah cang hna.

Atu Covid-19 hnu cun ram tampi hna nih Tuluk ram he an pektlai ning kong (Trade, Investment) tampi in khua an ruah cang lai. Tuluk hi zumhtlak mi hawi tha asi lo timi hmuhkhawh a si cang. Lowy Institute Australia nih survey a tuah mi ah Australia miphun 68% nih Tuluk ram or acozah cungah zumh lonak (duh lo nak) lungput an ngei cang.

Ram hme deuh le derthawm mi ram hna caah cun Ex- Singapore Prime Minister le Founding father asi mi Lee Kuan Yu nih a ra chim mi bia hi i lak cio ding phun in aum cang. A chim mi cu ” Angan deuh mi nga nih a hme deuh mi nga ei, a hme deuh mi nga nih shrimps a ei mi vawlei ah Singapore cu poison shrimps kan si lai” a ra ti. Chim duh mi cu a ei tu zong athi ve lai tinak asi. (In a world where big fish eat the small fish, and small fish eat shrimps, Singapore must become a poison shrimps)

Notes: Shrimps, bully ti pawl hi a thiam mi nih lai ca in ra ka tial piah uh law kaa lawm ko hnga. A dangdang ka palh mi cu a ruah zia ra thiam ko uh.

Credit: Pa Hmun

 338 total views,  1 views today

This function has been disabled for Chin 11 News.