Australia Laimi Caah Thawngtha Taktak!

Victoria – Ahlei in Melbourne khuasa mi kan Chin miphun hawi le hna COVID-19 ruangah nan innhlannak kong ah nan lung re a thei maw? Innlei tuanvo latu agents silo nan innhlan mi innngeitu hna he inn man zorter deuh dingah ceihkhan nak nan ngei el maw?

Victoria kan Cozah nih innhlan bomhnak a chap than. Atang lei ah tuah ning cang cheu khat ka rak langhter.

1. Aho dah a sok kho?

Victoria State chung khuasa poah – an rammi – citizen, PR, visa in a um mi (international students tal in), bridging visa tleih in a um mi tiang nih sok khawh a si.

2. Zei tluk dah nan income a zor a hauh?

Asset test (ngeihchiah zohchihnak) Nan family zarh khat income hi $1,903 nak tlawm deuh a si hrimhrim lai. Nan family bank ah khan $10,000 tang lawng nan i khon mi a um hrimhrim lai. Nan family income chung in 30% bak inn man ah a kal mi an si lai.

3. Zei tin dah a sok ning a si? Zei tik tiang dah sok khawh a si?

28 March 2021 tiang sok khawh a si. Mah bomhnak sok ding ah hin;

A. Nan agent silo innngeitu he innhlan man zorter deuh dingah ca in tial mi hnatlaknak (Agreement) nan ngei hmasa lai.

B. Mah hnatlaknak ca kha Consumer Affairs ah nan ap lai.

C. Cu hnu ah mah ka link ah hin nan sok lai.

4. Tangka hi kan mah sin ah an luh ter lai maw?

Mah innhlan bomhnak Tangka cu DHHS (Departs of Health and Human Service) nih tawlrel mi a si i nan mah bank chungah an luh ter lai lo. Nan inn agent silo innngeitu hna sin ah direct in an luh ter lai.

5. Single pawl le nu/va pawl hi zei tin dah an chekhlet ning a si lai?

Single lawng innhlang mi a si ahcun COVID-19 ruangah zei tluk in dah a income a zor ti mi kha an zoh fal lai. Nu/va pahnih chungah pakhat paoh paoh riantuan mi an si i COVID nih hnursuan mi an si ahcun an family income kha zoh fak a si ve ko lai.

6. Kan soknak in zei can sau dah hngak a hau?

Acunglei a herh mi na tuah dih hnu ah Rent Relift link ah khan nan kal lai i nan sok lai. Mah hnu ah zarh hnih tluk hrawng a rau lai.

7. Department hi telephone le email in peihtlainak tuah khawh an si maw?

Dept cu awl tein peihtleihnak tuah khawh an si peng.

Dept Tel: 1800 950 444

Email: RentRelief@dhhs.vic.gov.au

 289 total views,  1 views today

This function has been disabled for Chin 11 News.