Australia Laimi Caah Covid-19 Test Nak Kong A Herh Taktak Mi Theihter Nak

Theihter thannak

Kan Tlangrai dirhmun a hun I thlen caah a tu le a tu ti-awk in thawng kan hun thanh lengmang. Mipi nih Thawngpaang dik kan theih a herh tuk mi a si. Khualak I a chuakvakmi Thawngpaang sasawh nih lungrethei le thinphaang in a kan tuah chel, ningcang loin a kan chiahchel a si caah Khrihfabu sin in maw asiloah Community sinin theihmi tu hi rinhcanh tlakmi thanwgpaang an si. Cucaah kan hun thanh lengmang hi a si.

Laimi caah Covid-19 test nak cu July 1-3 (thaizing thok in Cawnninga tiang) ah VCBC Biakinn ah zing sml. 9:30AM-3PM tiang EACH nih man loin a kan tuahpiak cang lai.

Medicare i ken a hau cio te lai.

Tak chungah zawtnak a um cang hnu ni tlawmpal chung cu zawtnak hmelchunh lang loin a um kho ti a si caah, hi rai zawtnak i a hmelchunh ngeih lo zong ah i test kha a poinak a um lo.

Hi rai hi Victoria ah karhlei a panh caah a tanglei hi cu zulh ding hrimhrim an si rih lai:-

1:- Lock Down sang ah aa tel rih lomi zong i lenkai hrial chung cu a ṭha rih ko hnga. (lock down sang ah aa tel lomi sang ah chungkhar khat a si lomi midang 5 nih lenkai khawh cu a si)

2:- Social Distancing timi 1.5m zulhphung zulh hrimhrim ding.

3:- Lufah, khuasih, khuh, hrom fah, thawcham, hnap chuah, thilrim theihnak tlau tbk. tlawmpalte hmanh ngeih zong ah i test hrimhrim awk a si ko.

4:- Zawtnak ngeih le ngeih lo hngalh/theih lomi he kultlaih le donnak hnamh le kuh hrial chung rih ding a si ko.

Cun a biapi in a tanglei ah a dang tein thilchihmi sang hna cu Victoria cozah nih “Lock Down” sang ah a chiah hna.

A cunglei Lock Down nih lengchuak sianhmi hna cu:-

1:- Rawl cawk le rawl supplies tuah.

2:- Mizaw zohkhenh.

3:- Exercise tuah.

4:- Cacawn le rian ah kal.

A cunglei vialte hi cozah nih a kan duhsakmi a si bantukin Chinmi hna zong nih kan zulh le kan tuah ahcun Victoria le Australia ah Covid-19 in i venhimnak bawnchantu kan si cio ko hnga.

Covid-19 zawtnak ngeih midang nih theih lai ṭihphaan ding a si lo. Hi zawtnak ngeih le ngeih lo i hngalhnak nih a sunglawimi nunnak i vehhimnak caah bawmchantu cio kan si kha a biapi hringhran ko.

Siaherhnak he,

ACCEM

 

 184 total views,  1 views today

This function has been disabled for Chin 11 News.