Australia Khawpi Ah Midum Caah Lamzawh An I Tim, Palik Nih An Tlaih Colh Hna

Miphun theidan nak um hlahseh tiah midum lei atang mi pawl nih US ramchung ah lamzawh nak an nei , ramdang hmun tampi ah cucu an au ve i Australia khuapi Sydney zongah lamzawhnak neih an i tim.

Minung 1,400 hngak tam cu Domain hmun ah i ton dingin thawng an thanh. Cutikah Supreme Court nih Covid-19 buainak lio ah, khuachung him te ikan um khawh nak dingah minung 20 cunglei hmunkhat i um lo dingin nawl an chuah.

BLM pawl ca i lamzawh a tim mi pawl cu an hung chuak i palik pawl nih an zoh hna an van i ton khawh bak in lamzawh i au cu an tim.

Asinain an thok hlan ah palik pawl nih cun Loudsker in Cozah biachuah ning in minung 20 cung hmunkhat um an duh lo, Domain hmun nan chuak tak colh lo a si ah cun, kan in tlaih hna lai i daan ningin cawh le cawiter nan si lai tiah ralring nak an pek hna.

Mipi an i pumkhawm thiamthiam caah phungning in Health Order in $1,0000 an cawiter hna . mipi cu i ton ngam ti lo in an kir viar.

Assistant Commissionner Mick Willing nih cun lam zawh kan khap lo, Covid -19 rai a um lio a si caah khuatlang humhim kan duh caah a si tiah a chim. Lamzawh a tim mi Domian hmun ah a ra mi nan um a si ah cun tlungcolh uh tiah an ti hna.

 100 total views,  2 views today

This function has been disabled for Chin 11 News.