Australia Kawh Auhnak: By Carson Twintwin

Australia Kawh Auhnak: By  Carson Twintwin

+++++++++++

Biakilh

A hmasa bik ah hi kong hi keimah tial awk a si lo ti ka hngalh, sinain pumpak in a ka halmi nan tam caah le nan ka hal caan, nan herh tuk caan ah pumpak manhlo ruangah nan duhning in nan cakuat kan leh khawh tawn hna lo caah hika hin ka van langhter. A tlamtling dih tinak a si lo, sinain atutiang pumpak nan ka halmi chungin tlawmpal ka van langhter.

  1. Refugee and Humanitarian Visa (Class XB)

Laimi tam deuh nih kan sok mi a si. A hlei in India le Malaysia ummi hi kan sok mi a si. Cucaah tampi chim hau in ka ruat lo. Hi visa soknak ah form pahnih (681 le 842) phit a hau. Hi form cu tharchuah (update) lengmang mi a si caah kan phit hlan ah zeitik kum form dah kan hman ti chekhlat hmasa ah a tha. Cucaah tu kum 2020 ca ah hman ding in Acozah nih an web ah a chiah mi ka thilpiak chih hna.

https://immi.homeaffairs.gov.au/form-listing/forms/842.pdf

https://immi.homeaffairs.gov.au/form-listing/forms/681.pdf

  1. Nupi Pasal Laknak

Nupi pasal laknak ti tikah, kan umnak hmu le hma hoih in hman mi form a um. Ka chim duh mi cu, Malaysia le India ah ralzam dirhmun in a um i UN Card ai tlaih mi nih a cung kan langhter mi Refugee and Humanitarian Visa in i lak khawh a si. Sinain Kawlram khuasa a si ahcun catlap form (paper form) in tuah awk a that ti lo caah, Immiaccount na ser a hau lai.

Immiaccount na ser hnu ah cu na account ah cun Partner or Prospective Marriage Visa (300,309/100,820/801) a um lai; hihi Kawlram a ummi nih phit ding a si lai. Cun Kawhautu nih Sponsorship for a Partner to Migrate to Australia (300, 309/100, 820/801) a phit ve lai.

Hi form in kawhauhnak ah a herhhai a tam lai. A chung na luh hnu ah “Attachment file” na hmuh lai i cu chungah thil (upload) chih hau tampi na hmuh lai. Nangmah nih form phit ka thiam lai lo, ka tlamtlinh lai lo tin a phan ahcun, “Spectrum” sin ah kal in bawmh na hal khawh. Annih khi “Immigration Agent” an si ca ah kawhauhnak kong he pehtlai cun a herh mi vialte fianghlang tein an in chimhruah khawh lai.

Nawlnak: A tlamtling lo ngai men lai; dikthliar in tial ah cun a tam lai caah a tlangpi vuak in ka van tar. Na lungfian lo mi a um ahcun “Spectrum” asilole pumpak i halnak in bawmhchanh si te sehlaw.

 213 total views,  1 views today

This function has been disabled for Chin 11 News.