Australia A Phan Tharmi Chungkhar Hna He Biaruahnak!

Australia Ah Aphan Thar Mi Chungkhar Hna He Tonbia Ruah Nak Kan Ngei! Australia Perth khua ah Chin ralzam an phan thar mi hna he tonbia ruah nak kan ngei!

“Bawipa atha tuk. Hmai thla ah nau ngei ding kan si nain, nikhua a tling hlan te ah Australia ram dam tein kan phan kho. Malaysia in Australia rat nak ding ah Visa lak nak kong ah siseh a dang dang a hreh nak vial te a kan bawm tu CRC upa hna cung ah lunglawmhnak tampi kan ngei ” tiah lawmhnak bia zong an chim.

Kan nau le hi an pa hi Zotung si i an nu hi Zophei mi asi. Australia ah COVID-19 zawt nak caan lio te ah ralzam in a phan hmasa bik mi chungkhar an si.

Australia Cozah nih Covid-19 ruang ah ramri an khar hlan deuh March thla ah chungkhar panga, a milu in minung 30 hi ralzam in Australia, Perth khua ah an rak phan. Cu chung ah cun Thailand in kawl chungkhar pakhat, Malaysia in Chin ralzam chungkhar pakhat le Karen ralzam pakhat hna hi Kawlram ralzam in a hnu bik aphan mi hna an si.

Ram hnih nak ah a tang mi kan Chin miphun hawi hna zong nih lung dawngh lo tein thlacam bu in hngah khawh rak I zuam cio ko hna uh.! Credit: Renny Ceu L Mang FB Cahmai