Aungsan Palhnak Chim Phuang Nan Duh Loahcun Aungsan Hmanthlak Hmang Ti Hlah U

Bochuk Aungsan Hmanthlak Hmang In Vote Nan Kawl Ahcun Bochuk Aungsan Thatlonak le Palhnak Ka Phuang Ve Lai Tiah U Maung Myint Nih Ati Cang. Kan hnu zarh ah khan USDP hruaitu pawl Press Conference an tuah i, Aungsan hmanthlak hmangin Election caan ah Vote kawlnak hmang loding in NLD cu thawng an thanh hna.

Sihmanhsehlaw NLD nih antimi cu, mizei party poh nih Aungsan hmanthlak cu an duh le hman khawh cio asi ko tiah an leh ve hna. Cu kong he pehtlai in USDP Minkin Myone MP U Maung Myint nihcun a facebook ah a tanglei bantuk in a post

“Bochuk Aungsan hmanthlak hmang loding in khap khawh nan si lo ahcun, Aungsan thatlonak le palhnak langhter cu ka rian asi ve. Bochuk Aungsan cu Minung asi caah palhnak tampi a ngei ve. Aungsan palhnak chim phuang nan duh loahcun Aungsan hmanthlak hmang ti hlah u” tiin U Maung Myint nih cun a rak tial hi a si.

U Maung Myint hi Minkin in MP term hnih a peh mi USDP MP asi.

Catialtu: Jacob R. ThangĀ 

 117 total views,  1 views today

This function has been disabled for Chin 11 News.