Aungla Nsang Nih “World MMA Award” Hmuh Khawh Nak Ding Ah Mipi Pawl Vote Ding In Nawlpat Nak Atuah

Vawlei cung hmunkip ah aum mi dawtmi miphun hawi hna nan dihlak nan kut kan thaih hna. Ngandam te le nun nuam tein nan um cio khawh nak hnga ding ah thla kan cam piak hna. Kan hnu kum lio ah thazaang nan ka pek nak thawng le nan ka dirpi nak thawng in World MMA Award laksawng pek nak ah “International Fighter Of the Year” zong ka rak hmuh khawh nak kha a si caah vote a ka petu mipi nan dihlak cun ah bia in chim khawh lo lunglawmh nak ka ngei.

World MMA Award ah ka hmuh mi “”International Fighter Of the Year” laksawng hi MMA tuanbia ah cun limhang a ngei tuk mi le hu ham a ngei tuk mi zong a si. Cu ve bantuk in tukum zong ah Fighter Only Magazine nih an tuah than mi World MMA Award laksawng pek ding thimnak ah “International Fighter Of the Year” co kho ding in ka min ai tel than rih.

Cu ruang ah kan hnu kum ah nan ka dirpi bantuk tein tukum zong ah nan ka dirpi I thazaang pek nak he vote nan ka pek than rih nak lai kan nawlpat ko hna.

Atanglei ah Fighters Only magazine Official Link ah khan lut ulaw vote pek nak nan hmuh ko lai. Dawtnak le thazaang peknak he nan ka dirpi mi ka hmuh caah nan dihlak cung ah lunglawmh nak ka langhter than.

Aung La Nsang(Burmese Python)

https://www.worldmmaawards.com/nominees/

 

 207 total views,  2 views today

This function has been disabled for Chin 11 News.