Aung La Nsang Kongah Mipi Nawlnak Le Theihternak!!

Aung La Nsang cu kan theih dih cio bangin MMA fighter minthang pakhat a si. Sihmanhsehlaw kan hnu October thla ah Rieder hi singapore ah an ni thong i De Rieder nih zohchia taktak in a rak tei. A fawinak cun minute 4 hmanh a awh lo ti ko u sih!

Aung La Nsang cu a lungthi kho lo tuk caah puai an dih le cangka bak in an pu le sin ah tu kum chung lila ah De Rieder he i thong tthan ding in a nawl hna. Hmanh sehlaw De Rieder nihcun a cohlang piak duh lo, Aung La Nsang cu kan nih pawl he ai thua ding asi lo a hei ti hnawh men. Aung La Nsang caah a fak bak ko!

Burmese Python Aung La Nsang cu tu thla December 11 ah hin Jonathan Haggerty he Singapore ah an ni thong tthan lai tiah online cung ah a linsa ngai mi thawngpang cu thawngpang dik lo a si. Aung La Nsang he si lo in Japan pa he ai thua ding tu an si. Japan Taiki Naito le Jonathan Haggerty US pa ai thua ding tu an si.  Taiki Naito Japan pa Jonathan Haggerty an ni thong nak ding hmunhma cu Singapore ah a si i, an ni thong ding ni le caan cu December 11.2020 zan suimilam 8:00pm (Myanmar time)( India Time Cun 7:00 Pm ) ah a si lai tiah theih a si.

Media cheukhat nih Aung Le Nsang le Jonathan an ni thong lai tiah an chim mi cu thawngpang dik lo a si. Thawngpang dik lo kha kan rak tial sual ve mi a si caah mipi kan careltu nih a tuah zia nan kan thimnak lai zong kan in nawl duh fawn hna!!

Japan pa Taiki Naito umnak ding ah Aung La Nsang hmanthlak an rak edit mi ruangah ai thua ding ah ruah sual mi a si. Tu tiang ahcun Aung La Nsang cu ai thong ding le ding lo zeihmanh thawngpang a um rih lo. Mipi careltu nih kan theihthiam hram uh! Cun Fake news thawngpang a tamtuk caah a caan ahcun keimah palh si loin kan laknak news tu a rak dik tawn lo caah a si!! (Chin11news team)