Aung La Biachimmi Cu Lung A Kuai Ko!

American ram mi a si ve cangmi Kachin miphun Aung La N Sang cu MMA ah minthang fighter pakhat a si cu kan thieh cio mi a si. Netherland ram mi De Ridder he a ralai mi caan ah middle weight champion caah a zuam ding an si cang. Aung La N Sang cong US ram florida state i Sanford MMA club ah training a tuah cuahmah tiah theih a si.

Aung La N Sang nih tu tiang champion pakhat ka si tiah ka ruat bal rih lo tiah a chim. “Kei ka ruah pengmi le ka timh pengmi cu Cage chung ah pakhatkhat tuah ka zuam lai tihi a si. Mah caah tu ralai mi puai caah a thabik in ka zuam lai. Teinak hmuh ding hi ka hlam tuk cang. Cun zeitluk in dah rian ka tuan ti cu mipi hmuh ter ka duh hna. ka hngak kho ti lo” tiah a chim. Myanmar ram mipi caah champion dirhmun in a um mi Aung La N Sang cu puai 12 tiang teiinak a hmu pengmi De Ridder he October 30 ah a zuam ding an si cang.

Dutch Knight tiah minpek a si mi De Ridder nih “kei cu tutiang sunghnak a tong bal rih lo mi ka si. Tu Aung La he ka zuam ding mi cung ah ka lung a tling. A harngai lai tiah ka ruah. Sihmanhseh a tlam tling te ko lai. Kei cu Netherland i a ummi fighter pawl he i ton ding in hmunkip ah ka kal tawn. A tha tuk mi zuamcawh tu pawl he kan i zuam theu tawn. Cun tutan zong ah vawleicung fighter pawl lak ah minthang pakhat ka si nak ka langhter than dingin ready ka si cang” tiah a chim.

Cucaah a ralaimi zuamnak puai ONE Championship i middle weight champion ah Aung La N Sang maw a si than lai si lo le De Ridder nih dah a chuh khawh lai timi cu October 30 ah a fiang ding a si.

SOURCE: VR.COM