August 28, Tuzing Ah Dalaan Pa A Hngawng An Tan

Tantse ah Dalaan U Kyaw Nyunt a hngawng an tan

August 28, Sagaing Ramthen Tantse (Tangse) Peng Kyatsoekann khua Tha-ma-waryar-ma Chairman U Kyaw Nyunt cu aho si hngalh lo mi hna nih a hrawng an tan i Pekhingyi thlaan pawng ah aruak an hmuh.

U Kyaw Nyunt hi SAC ralkap thawngpetu le Pyu Saw Htee chungtel a si, tiah an chim nain hi thawng a tialtu Khit Thit Media nih kan fehter kho ve rih lo tiah an langhter.

Hi thil a can hnu tuzing (August 28) ah Nitlaklei Chaukgyi tuupi lei ah SAC ralkap minung 30 tluk an phan tiah KTM nih a langhter.THT

Relchap: Loilyinlay(လွိုင်လင်လေး) khua nichuahlei Dawtahay(ဒေါတဟေး) khua pawng ah ralhrang phu hna le Kayinni phu komh kar kahdohnak a chuak

Shan-Kaya ramri, Loilyinlay (လွိုင်လင်လေး)khua nichuah lei Dawtahay (ဒေါတဟေး)khua pawng ah ralhrang phu hna le KA,KNDF phu komh in nihin August 28, zinglei suimilam 7:00 hrawng in kahdohnak a chuak tiah theih a si.

Cu kahdohnak a dih hnu ah ralhrang phu hna nih hriamngan hmang in pehtlai in an kah hna caah kahdohnak fakdeuh in a chuah kho ,cun khuachung mipi hna zong nih a humhimnak hmun ah riahcaw he zaam ding in KA nih an fial hna.

Hramhram uknak la tu ralhrang phu hna nih minung thazaang 300 hrawng he kahdohnak ah an i tel tiah khuachung thawngzamhnak nih an langhter. Kaphnih kar nunnak liam mi hna le hliamhma tuar mi kong ah thawngfiang theih khawh a si rih lo.#Khit Thit Media;TCP