CDF-Mindat kahdohnak ngol kar ah pumpululh celhnak in an i hrim; August 17, CDF-Mindat pawl cu kahdohnak a daih kar ah pumpululh celhnak in an i hrim tiah theih a si. CDF-Mindat le SAC ralkap cu atulio hi nifatin in an i kah lio a si. SAC ralkap nih hriam ngan zong an hman. CDF-Mindat lei in aa hliam mi 3 hrawng an um nain SAC ralkap lei cu a thi mi le aa hliam mi an tam.
Relchap: KNU Bridage-1 hna cawlcanghnak Tohtone peng chungah ralhrang pawl thazaang an chap thluahmah ko hna nain, kahnak chuah dingin an rak luh a si ahcun kan nih lei cu ready bak kan si tiah an ralbawi pakhat nih a chim.
Zahan August 16 ah khan Mon ram kulh chung Bilee peng Moe Kuang le Kyeikhtoo lei ah ralhrang pawl tam taktak an rak chiah hna. uknak la tu ralhrang pawl nih KNU Bridage -1 kah dingin an fuh cang hna tihi a fiang ko cang. An rak luh a si ahcun kan phomh colh hna lai tiah an chim bak ve cang ko.
Ralhrang tamlak te a phur mi ralhrang motyor 16 cu Mawlamyaing khua in Tanlwin hlei an van tan ah tahtone khualei ah an kal cuahmah hna, Ralhrang hi an tam ngaingai hna. KNU Brige-1 lei ah kal ding an si ko lai tiah khuami pakhat nih achim.
A Luancia August 11 ah khan Mon ralkulh Paung myone chung a um mi KNU Bridage -1 hna an sakhaan le an zung pawl cu ralkap nih an pu ruak hngah an kal karah ralhrang pawl nih an rak luhhnawh i ralkap pahnih le khuami 12 an ral tlaih hna.
Leave a Reply