Chin ramkulh Thantlang khuapi ah tuzaan suimilam 7:oo hrawng bomb voihnih a puak tiah theih a si. Tuzaan Thantlang bomb puah cu a mak ngai ko. mipi zong kan laungai tiah khuami nih an chim.
Tuzan Thantlang bomb puahnak hi khoika in dah a si ti le a ho dah a si tiah theih a si rih lo tiah an chim. Tuzaan thiamthiam ah Falam khuapu chungah meithal vioi sarih a puak tiah theih a si. Nihin Hakha le Falam Le Thantlang thawngpang cu a chia ngaingai ko.
Hakha ah tuzaan suimilam 7: hrawngah ralhrang bu hna nih inn kip chek an timh tiah thawngtheih a si hoi. Hakha hi tlaih khiah mi le zumh lomi an tambiknak ko a lo cang. Lairam ah ralhrang nih tlaihkhih a tambiknak hmun hi Hakha khuapi a si.
Relchap: Ramri i ralkap duty mi caah Congress Party nih bawmh nak an pek August 7,2021 zarhte ni ah Mizoram Pradesh Congress Commitee(MPCC) nih party chungtel hna nih tangka an thawh mi chungin facang le meh pin ah sii-ai hna cu ramri i Mizoram ralkap duty mi caah an pek.
Congress party hna nih tangka an thawh mi hi a dihlak in Rupees 163678 a si i, mah tangka an thawh mi hmang hin Mizoram ralkap pawl herhbau mi phunphun cawk a si i, Vairengte ah facang bag-30, Daal (dailuah) bag-10, Alu bag-10, piat bag-2, chiti box-6, sii-ai box-3 cio pek an si i, Vairengte Jt. YMA, Saihapui V YMA le Phainuam YMA hna sinah bawmh nak tangka pek cio an si rih.Cu pinah Cuhvel le Thinghlun i palek duty pawl hna zong bawmhnak hi pek an si ve.
MPCC thil pek hi party aiawh in Pu R. Vanlalvena, General Secretary nih Vairengte i khua a sa lio mi Pu. Huliana Fanai DIG sinah a rak pek.Vairengte Auto Rickshaw stand i Assam palek he I kahnak hmun pin ah Saihapui V le Buarcep hna an rak pal chih tiah Save Mizoram nih a tial.TCP
Leave a Reply