Tlangcung hriamtlai hna he remdaihnak ser cu ka duh ko cang, an mah nih a rem an ti poh ahcun kei cu ready ka si tiah a thanh. Uknak a lak hnu in mipi a thah ning hna le an tuar ning cu chimh hau loin a hmuh dih i, mipi nih an dohnak zong a theih tuk caah a si lai cu , tlangcung hriamtlai hna he remdaihnak tuah ka duh ko tiah a chim.
Uknak a lak thla 6 a tlin hnu ah August 1 .2021 zingah Lainawng pa Min Awng Hlaing nih an mah ralhrang thawngzamh nak MRTV ah biachimnak a nei i tlangcung hriamtlai hna he remnak ser a duhnak kong fiang tein a chim.
Kanmah he a do tti mi nan si lo zongah tlangcung hriamtlai hna le ramchung hriamtlai vialte hna nan dihlak in kahdaihnak kong ceih dingah kan sawm tiah a chim. Cun tlang cung mi nih uknak kongah tha tein nan kan dirpi nak lai le felfai tein kan ram kongah rian kan tuan tti hna hna lai i kan i bawm hna lai tiah sawmnak a tuah.
Democracy fedaral hrambunh in kan ram hi kan ser tti hna lai i, lungrual tein kan kal tti hna lai tiah an thanh chih. NCA min a thut tti mi tlangcung hriamtlai hna he kan tuah mi cungah nihin nitiang tiangin fek tein kan dir ko i, nan dihlak hi kong ceih than dingah kan sawm hna tiah a thanh than.
KIA thawngzamh tawn tu ralbawi naw Bu nih cun phung ning tein chimmi cu ka thei lo nain, kan pu le nih an ceih le ceih lo ka hngallo, phung ning tein zung ca chuah nak center committee nih ceih tlak in an chim mi ka thei rih lo tiah a chim ve.
Leave a Reply