ATU HIN ARAUH HLANAH THIL LIANNGAN TAKTAK NAN HMUH LAI – PRESIDENT DONALD TRUMP

Rai a len liopi le minung nunning tawn bantuk zongin khua kan sak khawh lo lioah hin kan hmaite ah Khrihfa hna kan sunhsak bikmi Kharisamat ni sunglawi cu kan hun naih cuahmah liopi cu a si i kan duhning bantukin caan hmang kho hna hmanh hlah usilaw Pathian hruainak tangah nan caan cio kha rak hmang cio dingin kan duhpiak taktak ko hna.

America President 2020 Election lei hun zoh hna usilaw, Party pahnih Republican le Democrats hna zong cu ih caan hmanh ngei huaha loin caan an hman liopi cu a si i, a donghnak ah hmunkhat ah an ṭang ṭi hna cu a si bik ko. Zeibantuk dirhmun ko khi dek caan nih a hun chuahpi te hnga? Vawleicung Mainstream media hna nih ningcang lo le mumal lo taktak in bia an kalpi ruangah hin kannih pawl nihcun Source caah thawngzamhbu zumhtlak taktak tiah kan theihmi hna, The Epoch Time, NTD, OAN, RSBN tbk hna sinin kan thawng theihmi cu ka hun chim ve hna lai cu.

SIDNEY POWELL LAWSUIT HLAWTPIAK A SI:- Nizan zanlei hrawngah khan Attorney minngei le ralṭha, America hi dinnak ah a dir ṭhan khawh nakhnga le US Election konglam ah biadik taktak phorhchuah a si khawh nakhnga Trump legal team pawl bawmtu, Sidney Powell nih Michigan State i Lawsuit a file mi cu Michigan Federal Judge Linda Parker nih a cohlanpiak duh lo ti cu One American News nih a hun langhter i Powell Lawsuit file hnonpiaktu Federal Judge hi Obama chan lio i Federal Judge caah rian an rak pekmi kha a si.

Hitihin Michigan i Lawsuit file hnonpiak a si ne ahcun Supreme Court of the United States (SCOTUS) lei panhnak lamtluan zawhnak HLEI thar a si kho hnga maw? ti hi biahalnak a si ṭhan ai. US President ithimnak ahhin thil diklo tukmi le vote firnak le vote vaivuanhnak lian taktak Trump legal team hna nih video clip he tiangin fiang taktak in an taarlangh bu le biatheitu thong tampi nih an chim cuahmah ko bu zongah aa theihter duh bak lotu Georgia Governor Brian Kremp nihcun Georgia State ahhin thil kalsual pakhat hmanh kan hmu lo i, Joe Biden tlinnak Certified hi a raohhlanah kan chuah cang lai a ti khawh rih ko cu e!!!

Sihmanhsehlaw hi bia kan tuaktân lioah hin Georgia State Republican Legislator, Senator le House of Representative hna nihcun biachimnak le chuahpimi an ngei ve fawn lo cu teh, bia an khawmhsuatmi cu maw zumhtlaklo an si hnga. Hi lioah One American News (OAN) nihcun Battleground state i Joe Biden vote ningte in a hmuhning le vote firnak a hmuhning hitihin a hun taarlangh: Pensslvania – 81,000, Vote lem – 121,000 Wisconsin – 20,000 Vote lem – 200,000 Arizona – 10,000 Vote lem – 300,000 Michigan – 154,000 Vote lem -548,000 Georgia – 12,000 Vote lem – 20,400 pinah Vote Democrates pawl bawinak State Nevada i Biden Vote hmuhning dirhmun cu hibantukin a si. 33,000 Mitthi vote – 1,500 Umnak hmun aa thial cangmi – 2,500 Voters address um lo – 6,000 Hika lei i um lo – 8,000 Sipuazi tuah pawl – 15,000 State lenglei um cangmi – 20,000 Vote thlak nolh – 42,000 Vote firmi – 95,000 rori an hun taarlangh i, biafiang taktak va si rih lo hmanh selaw khika lawng hmanh in thil diklo tam taktak an rak phum henghung ti cu a fiang ngaingai ko. Hi nak tam hmanh hi a si kho ti a si.

Hi ti lawmmam in thil hman lo a um ko ti a fiang tuk komi hi mainstream media pawl nih taarlang duh hna hlah hmanhsehlaw Conservative media pawl nih an taarlangh ve thotho ko caah hin hi thawngpang tiangin Trump supporters hna nihcun US States hmunkip ah Bus in Rally an ngei cuahmah ve i an kalnak kipah mipi hi an tam hringhren. Mainstream media pawl nih a tlinglo leikam in an phuan lioah mah tluk lawmmam in Donald Trump nih America ram chungah amah dirpitu a ngeihning hi Political Analyst hna tiang nih khuaruahhar taktak a si an ti i thil kalsual pakhat khat cu a um hrimhrim ko ti hi an zumh chin lengmang.

Hi lio caan ahhin Trump team hna caah thawngpang duhnung lemlo a rak um ve ai, cucu Trump legal team hruaitu Rudy Giuliani nih covid-19 positive a sinak hun theih a si i, asinain vanṭhat ah lungretheih awk a si lo ti a hung si i, Trump Attorney nu muidawh le duhnung, Giuliani he Public hearing tuahnak hmunah aa zulkhâlmi Jenna Ellis tu cu negative a rak si celngel. Sihmanhsehlaw Giuliani aa tel khawh lo chung zongah Attorney minlang taktak Jenna Ellis, Sidney Powell, Lin Wood te pawl cu fek taktak in an dir ko caah thinphan awk pakhat hmanh a um lo.

TRUMP NIH MARTIAL LAW A PHUANG ZAU HNGA MAW?: Georgia State biachuahnak zohchunh in President Donald Trump nih Martial Law a phuang thut hnga maw ti hi theih a har a si rih. Nutaite ah khan ramleng um US ralkap a kirter thluahmah hna i, Dems pawl thinhun in an iseh dih deng lioah ramleng in ralkap kir a tlungmi hna le an chungkhar hna cu lawmhnak mitthli he an rak ipom cio hna cu si.

President Trump cu thangṭhat lawngte a co ko. Culioah cun President Trump nihcun amah a rak do zungzaltu Defence Secretary Mark Esper a phuahka naite ah khan a aiawhtu dingah Christopher C. Miller a chiah i anih zong nih Department of Defence hruaitu cheukhat a phuah chin ve hna tiah theih a si. Hi bantukin thil a hung kal thluahmah ruang le election dirhmun a ṭhat lo tuk ruangah hin mi tampi nihcun President Trump caah ruahnawl har ngai si ko hmanhsehlaw US Constitution nih a sianh ko bantukin “Martial Law” hna phuan aa tim i si hnga maw ti a zum zong an tampi cang. Martial Law phuan ding hi a donghnak dirhmun harnak taktak zawn i hmanmi a si caah hin America a daw taktaktu President Trump caah hin thil fawi lo le thil har taktakmi a si kho.

Sihmanhsehlaw America ramah dinnak le felnak um loin buainak ngan taktak a tlun ding nih Trump tlaknak ding a si ahcun le mah ram hmanh a rawk dih cikcek zong poi a ti lomi hna khamnak dingah cun MARTIAL LAW hman ding hi US a tlûk ding nakcha cun le CIVIL WAR in ivennak dingah cun hman herh bikmi a si ti zong maw an ti!! US Army Chief pawl hna le US Police Department hruaitu hna pinah US Army hruaitu hlun aa din cangmi hna tiang nih Donald Trump ruahnak an pek lulh cang!!

A si khawhnak dihlak chuah in America dawtu le President hlawhman zong US Dollar fangkhat lawng a lami, a pinlei vialte misifak zohkhenhnak Charity ah a petu, Donald Trump hi a zuamcawhtu mithurhnawm taktak hna nih hin a sa huat an itongh sual ahcun mu!! A phaknak cu a fâk taktak te lai cu!!!

Russia President sual tak, a thli in lainawng tam nunsual tiah an chim tawnmi Vladimir Putin tehna, China Communist Party Leader, Republican China aa ti ṭung nain a thli in Dictator ṭihnung taktak Xi Jinping pinah Obama nih a ṭih taktakmi N. Korea Dictator nunsual ṭihnung Kim Jong-un tehna pinah US le Isreal caah mithnawm bantuk hnahnawk a simi IRAN tehna zong hngakchia chimhngai tukmi bantukin a ser khawhmi nihhin a dawtmi America ram sawksâm a timtu hna hi a zoh sawh hna lai ti hi ruat hlah u!! Thil hngakmi maw a ngeih plan ṭha tukmi dah aa ngeih deuh ti hi theih khawh a si rih lo cu!!?

Donald Trump hi kum 4 chung Whitehouse hngâk rih dingin Bible he bia aa kamnak hmuh ka hiar tlukin, A Slogan Makes America Great Again a tining bantukin thil ṭha lo tuahtu hna a molhter hna nak le ram sersiam dingin a cawlcanghning “The Trump Action” ti hi hmuh ka hiar tuk cang.

THIL LIANNGAN TUKMI NAN HMUH ZAU LAI! :- Hi bia kaa timhtuah ah hin zing sml. 03:30am a si cang i, The Epoch Time nih a hun chimning ah cun President Donald Trump nih cun mipi hmaiah “ATU THAWKIN A RAUH HLANAH THIL LIANNGAN TAKTAK AA THLENGMI NAN HMUH LAI” tiah a ti i, Whitehouse hngâk ṭhan dingin aa zum tuk cang ti hi a fiang taktak khi si.

Cuticun, Arizona State Republican Legislature hna nih Election Decertification kongah Press Conference an kawhmi cu The Epoch Time le NTD hna nih Live in an thlah deng cang i, an biafunnak kan hun thei kho deuh rih lo i si. Joe Biden hi ka thangchiat bal lem lo i, keimah nih thil ka hmuhning ka hun share ve cu. Mani-a Chhangte