Asia Vawlei Ah Kum 2000 Miphun Sinak Tehte A Kan Ngeih Tertu Pumtek Kan Zuar Dih Cang Rua

By Salai Tial Hram Ling

Asia Vawlei Ah Kum 2000 Miphun Sinak Tehte A Kan Ngeih Tertu Pumtek Kan Zuar Dih Cang Rua

UK Ram minthang Cornwall khua um hlanlio thil zuarnak ah Garadu Shopping ah Chin miphun kan pumtek ṭhi cu pumkhat ah £1,300 (2,320,000 MMK) bak in an zuar ko. Kei mi lelpang Asia History ka kawlnak ah an website ka hmuh i ka lau tuk. Cu ruangah pei Tuluk pawl nih a luancia kum pawl ah kan pumṭek ṭhi an rak kawl i a singsing in an rak cawk nak a si lai kha tiah ka lung a ka pemh.

Tuanbia lei kap in ruah tikah kai lunghmuih i Asia vawei ah kum 2000 a upa ve cangmi miphun kan sinak tehte a si tikhawh asi.

Asinain;

Nihin tiang zong ah kan Pumṭek ṭhi cu Kawl le Tuluk nih an kawl peng ko rih. Pum (10) ahkhin sing 50-60 in an ngamh. Chawlehnak ca ah sui nakin a man a ṭha deuh. Ṭhikual pakhat nih fawi tein sing 300 a hmuh khawh lai tinak khi asi.

Hi kan pumṭek ṭhi hna hi hlan pupa hna nih fossil wood timi lung ah a cang cangmi thingman sung he an rak pumh mi ṭhi an si. An chimnak hoi ah a ṭial an ṭialhnak ah nu hnukhang an hman ti asi. Kan thisa in ṭialhmi kan tuanbia kengtu Pumtek ṭhi cu nihin ah kan kutcung a um ti maw timi nih a ka lauter.

Chinmi fak piin khuaruat usih. Kan tuanbia le kan tehte hna hi eipaw ca men ah kan zuar thlu te lai. Kan pumṭek ṭhi hna hi Archeologists le chemistry fimnak in tharchuah khawh hnu ah vawlei ah mansung in zuarchaw kan tuah te khawhmi asi. Kan ṭhi kan zuar cu kan samlu kan bawngh asi. Pi le pu nih zuar chimlo ṭhifang tlau hmanh an siang lo. Ro ah an chiah zungzal.

Kan miphun hmelchunh kan zuar ahcun ro a keng lomi Miohun kan si lai i, tuufa hna nih pumṭek thi hmanh Kawlvai ta ah an ruah te lai.

Salai Ṭial Hram Ling
Yangon

 155 total views,  1 views today

This function has been disabled for Chin 11 News.