Apoi Tuk Ee. Muidawh Esther Kum 23 Nih A Kan Liam Tak Ee. RIP

Zualko Amin: Esther Rihsawithan, Akum 23, Athihni July 10, Zinglei Suimilam 4:30 AM, A pa, Pu Sui Thang cu (စာတိုက်မှုး) ttuannak Lumbang, Rihkhawdar, Muse tiin a thial tawn mi an si. Mai Esther hi Gym a celh tawn i,Gym dawr an phih ruangah amah te’n inn chung ah a celh lio ah thaw zat lo in a tlu.

Muse Civil Hospital ah tlikpi a si nain sizung riantuan an um lo ruangah a nunnak an chanh manh lo. Muse, MYC pumhnak ah hruaitu tuan mi le Pathian tihzah ngai mi a si. Mai Esther hi Modeling lei ah karhlan ai tim cuahmah mi a si. Unau chuahpi 3 lakah upa bik a si tiah Chinland Today Media Nih an langhter. Credit: The Chin Post

Relchap Dingmi: Min Aung Hlaing le a ralkap pawl hi, an sii a vang tuk cang ti hi fiang tein theih khawh a si. Uknak an lak in nihin tiang zeihmanh an tuah kho taktak lo. Min Aung Hliang Nih Chin Miphun cu zei te-ah a kan rel lo pinah CNF/A hna cu capo men ah a rak chim. A sinain nihin ni ahcun Min Aung Hlaing le A ralkap nih Chim Miphun cu a tei ti hna lo.

Tunai Khuahringtlang kah dohnak ah Ralhrang cu 17 bak an thah hna i, Ralkap cu hnu tolh colh. Kuangpi nel hrawngah hmunhma an la than. Ralkap nih hin chunzan nawn in meithal an rak puah. Mah meithal an puahnak a ruang cu, CDF/CNA nih an kan nam than sual lai ti, an phang tuk caah an i cerhro nak sawksawh a rak si tiah khuami pakhat nih a chim.

Harsatnak a tongmi vialte hna nih kan theih dingmi cu, kanmah lawng harsatnak a tongmi kan si lo. Chin miphun kan dihlak in harnak hi kan tong ko hna lai. Atuan le a tlai cio khi kan si ko cang hna. Chin Miphun Mindat khi zeitluk indah an tuar mu, Nai te-ah Hakha Peng, Senthang lei nih zeitluk harnak dah an ton.

Tutan ah Khualhringtlang nih an van tong ve, Hi harsatnak hi Kan dihlak kan ton dingmi a si. Harsatnak le lungretheihnak kan tonmi hi, hmailei kan luatnak le zalonnak lam a kan petu a si hrimhrim lai. Min Aung Hlaing le a ralkap pawl hi Chin ram ah an siivang tuk cang, Zei ca tiah Chin Miphun nih kan ngamhtuk hna, Kan tei hrimhrim hna lai. Teinak kan hmuh hlan tiang kan doh hna lai.

Be the first to comment

Leave a Reply

Your email address will not be published.


*