An Tleihhrem Ruang Ah Palek Sinah Report A Tuah Hna, Palek Nih An Rak Tleihhrem Than Ve Hoi

Thailand ram ah kum 13 nute hi siizung ah a hawinu umpi ding in sii zung ah a riak. Zaan ah cun sii zung a rak hngak mi (security) pa nih a rak tleihhrem caah palek sinah report nak a tuah. Hi kum 13 nute nih report nak a tuah hi zaantim suimilam 1 hrawng ah a si cang i palek pawl nih cun sakhan leiah kalpi ding in a tleihhremtu security pa he cun an kal pi hna.

Palek nih cun chikhat te hi cu sakhan ah hin riak chung rih ko law thaizing ah nan inn ah kan i chiah te lai tiah an ti i sakhan (police station) ah cun an riah ter. Palek pawl nih cun kum 13 nute cu hngilh nak sii an rak chunh i duhtawk in an rak thleihhrem than hi asi. Khuadei ka hrawng ah nute cu a tho tik ah cun a cawl zong a rak cawl kho ti lo, an rak tleihhrem nak ah a cei tuk cang.

Cu hnuah a nu le pa cu pehtlaih nak a tuah hna i siizung ah a thleihhrem tu e palek pawl he cun a hmuh an phawnh piak hna. Asinain palek pawl cu an zam manh cang caah thong an thla kho rih hna lo nain siizung ah a tleihhrem tupa cu thong an thlak cang.

Source: Alinnpya

 202 total views,  1 views today

This function has been disabled for Chin 11 News.