An I Umh Lai Ni Bak Ah An Nu Dingcu Pitar A Si A Theih I A Zamtak Than

Indonesia ram mi Yusuf cu nupi nei ding a si, suimilam tlawmpal te lawng a duh ah a nupi ding cu pitar a rak si a theih i ka duh than lo tiah a chim.

Yusuf hi Korea ah riantuan mi a si i, a nungak hi Taiwan mi a si. Online chungin a tong mi an si i, kum hnih chung cu zumh tlak ngai in an i chawn tawn.

Yusuf nihcun a nungak hi a mui cun a hmu bel lo, video call in kan call lai a ti ah hin a nungak nih cun a duh bello. Asinain a cancan ah puan te in a khuh tawn i a mui lang lemtung lo in Yusuf cu a chawnh theu.

An i duhdawtnak a caan a hung sau i, a nungak nih cun a mah mui si loin facebook chung i makeup tamh thiam mi milar pakhat hmanthlak a hman i, a mah mui si lo mi in a tlangval Yusuf cu a rak dehhlen tawn. Cu lawng si loin Yusuf nihcun a nungak cu nichiar in a phaisa hman ding a rak tawn.

Yusuf nih cun na ka duh taktak a si ah cun kan i thium lai tiah a ti, A nungak zong nih cun i umh ding cu a lung a tling ve.A sinain an i neih ding ni a phan tik ah Yusuf nih cun a nungak mui taktak a van hmuh cu a chim awk a thei lo a lung a tylin lo tuk ah hin zei ti umawk a thei lo.

 

Zeiruangah tiah cun a hmanthlak a hmuh mi le a taktak a mui kha a khat lo tlangval pa caah cun a nu khing a si a rak tar cang mi a si. Yusuf nih cun kum 2 chung bak harsa ngai in ka zuamnak hi a rak ka hlen ko hi teh a ti caah ka nei lai lo a ti i, a um nak ram ah a kir tak colh.

 73 total views,  1 views today

This function has been disabled for Chin 11 News.