An Hawipa Tiva Ah Apam Mi An Chanh Nak Ah Nu Hngakchia 7 Zong An Nunnak A Liam

China ram Phumit pawng ah a um mi primary sianginn ah a kai mi hna hngakchia minung 8 cu tiva ah tilio dingin an kal nak ah an hawi pakhat cu tiva ah a tla sual I ataang mi 7 nih an hawipa kan chanhchuah lai an ti nak ah an dihlak minung 8 cu tiva ah an rak thi dih hna.

Nizan June 22 zinglei suimilam 7 ah khan adongh nak bik ruak an hmuh hi a si, an dihlak in primary sianginn a kai lio mi lawngte an si hna. Avoikhat nak bik tiva ah a pam mi an hawipa hi nuhngakchia 7 nih an chanhchuah nak ah an dihlak in an rak thih hi a si. Tiva ah apam mi hna hngakchia 8 hi Mixin Town Primary School ah cacawng lio mi an siĀ  hna caah an saya/mah te zong nih fak ngai in an ngaihchiat nak an langhter cio hna.

Hi kong he pehtlai in tuanvo ngeitu police pawl zong nih hlathlai nak an tuah cuahmah lio a si. Hi hngakchia ruak char dingin minung 200 leng an rak chuak hna. An dihlak in ruak an kawl chung hi niriat an rau I nizan June 22 ah khan a dongh nak bik ruak an hmuh hna zong hi a si.

Avoikhat nak bik pa hngakchia tiva ah a pam mi hi zeitin in dah apam ning a si le zeiruang ah dah a pam ti hi Tuluk thawngzamh nih an langhter lo. Hngakchia tilio nak in apam si ko lai tiah an zumh.

Source: Bamakhit

 142 total views,  1 views today

This function has been disabled for Chin 11 News.