American Ram Ah Pathian Zeirel Lonak A Karh Chin, Khrihfa Ram Kan Ti Mi Hna Nih Pathian An Hlawt Cang

US ram cu Pathian a tih mi le Pathian a bochan mi an si tiah vawlei cung mipi nih kan zoh cio mi hna an si. Asinain US ramchung i State ngandeuh pawl ah hin Pathian zeirelo nak a karh chin lengmang cang caah hi hnu kum zeimaw zat ah cun Pathian hi an phil taktak caan a phan cawlh ko lai.

Bawi Jesuh Cu Lesbian Bantuk Ah An Ruah

Liberal state tiah a minthang bikmi state cu California le New York an si. Cu hmanh ah California hi a minthang khun. California cu liberal pawl an ruhnak le an chahnak hmun a si lawng si loin Pathian zei ah a rel lomi, Hollywood pawl nih hmunhma a khuarnak hmun a si.

Hollywood nih Habit timi movie pakhat thlak an timh I, Bawi Jesuh cu lesbian timi, nule nu aa duhmi ah canter an timh. Bawi Jesuh lemcang a tuan dingmi fidi cu Michael Jackson fanu, Paris Jackson a si lai an ti.

Mah movie thlak dingmi cu khrihfa pawl an thin a phawh hna caah signature campaign an tuah I, movie thlak lo dingah minung 300,000 nih minsen an thut cang. Hollywood pawl nih hin Pathian zei rel lonak movie an thlak pah lengmang.

Catialtu: Salai Lairamthang

 152 total views,  1 views today

This function has been disabled for Chin 11 News.