America Cozah Nih Tuluk Spy Pahnih Tazacuai Nak A Tuah Hna, Buainak Akarh Chin Lai

Note: Hi kong hi Laimi nih kan i bochan ngai mi catial thiam kan u a si mi Salai Lairamthang nih a tial mi a si. Salai Lairamthang mi Laimi catial tu ah cun a ca rel kan duh bik mi le kan rel huam bik mi zong a si pinah a hman bak mi le theih awk a tha bak mi lawngte a kan tial piak lengmang mi a si.

Chinese Spy Pahnih US Cozah Nih Tazacuai Hna; US Department of Justice nih Tuluk miphun pahnih hna cu US cozah, private company le Covid-19 kherhhlainak an tuahmi pawl a thlithup in online an in fir, an hack caah DOJ nih taza an cuai hna.

Tuluk cozah caah spy rian kum 10 renglo a tuan cangmi, Li Xiaoyu, 34, le Dong Jiazhi, 33 cu Tuluk ram I a ummi an si caah Tuluk cozah nih US ah an kuat lai an zum lo. Maryland, Massachusetts le California ah Covid-19 research an tuahmi thilri le file zong fir an I zuam ti a si. Zeiltuk an fir cang timi chim khawh a si rih lo.

Tuluk cozah nih hin US ah sianginn kaimi Tuluk singngakchia pawl asiloah Tuluk ram in computer hacker a thiammi pawl hna hmang in US cozah le private company pawl thil an sermi le research an tuahmi pawl cu an fir I, a ttuh tampi an serchuah ti a si.

Catialtu: Salai Lairamthang

 169 total views,  1 views today

This function has been disabled for Chin 11 News.