America Cozah Nih Myanamr Cu Bawmhnak Tangka Tam Taktak A Pek Than

Myanmar ram chung ah Covid-19 a kar cuahmah mi dohnak ding ah le i khamh nak ding caah tiin American cozah nih Myanmar ram cu USD $ 4 million bawmhnak a pek than tiah US-Myanmar Embassy nih thawngthanh nak an tuah. Myanmar ram chung Covid-19 raldoh nak ding ah le i runven nak ding caah tiin 2020 February thla chung ah khan American ram nih Myanmar sinah bawmhnak a rak pek cang mi he fonh tik ah tutan an pek mi he cun USD $ 13.5 million a si cang tiah zong an chim.

Hi kong he pehtlai in US-Myanmar Embassy lei tuanvo ngei lutlai a si mi nih a chim mi cu hi bawmhnak kan pek mi hi Myanmar cozah caah si loin Myanmar ram chung minung dihlak ngandam nak runven nak caah a si. Cu hlan zong ah bawmhnak kan rak pek lengmang cang bantuk in tutan zong ah Myanmar ram chung ah a um mi vialte hna nih an ngandam nak runven nak a herh tuk zia kha fiang tein kan hmuh caah bawmhnak kan pek than mi zong a si.

Hi hnu zong ah bawmhnak pek than khawh ding in timhlamh nak kan ngei tiah tuanvo ngei lutlai nih cun an chim. US nih bawmhnak a pek mi chung in zeitindah Covid-19 rungrul hi awl-zaang tein kan hmuh khawh lai? pumpak cio nih teh zeitindah kan i ralrin lai, pumpak cio kan tuanvo hi teh zeidah a si timi kong vialte zong ai tel chih dih tiah an langhter.

Kan hnu zarhchung zong ah US acozah nih Myanmar ram ngandam nak riantuan tu hna caah mask, rungrul thah nak sii, kut hruk le seh thilri tampi zong bawmh nak a rak pek cang.

DVB

 180 total views,  1 views today

This function has been disabled for Chin 11 News.