America CIA Agent Pakhat Iran Nih Thih Dantat Nak An Pek

Tukum kumthok ka hrawng ah US ralkap nih Drone vanlawng in an rak thah mi Quds ralbawi nganbik General Qasem Soleimani a umnak le khuazei ahdah a kal tiah hlathlai tu America CIA Agent pakhat cu Iran nih thih dantat nak an pek tiah ramchung thawngzamh nih a langhter.

Hi kong he pehtlai in America nih CIA Agent ah an rak hman mi hi Mohamad Mosavi Marjid timi pa a si I Iran CIA pawl nih an tleih hnuah thih dantat nak an pek hi a si tiah zong an rak langhter.

Mohamad Mosavi Marjid hi CIA le Israel kong zong ah biathup a rak kherhlai lengmang tu a si caah mifim ngai le thiamsang ngai a si I US zong nih General Qasem Soleimani thah khawh nak ding ah an rak hman mi a si I pakhat hmanh palh sual nak ngei lo tein General Qasem Soleimani umnak le thil tuah mi hi a rak chim kho ve mi a si.

General Qasem Soleimani hi hi 1980 kum ah Iraq le Iran raltuk lio in Iran nih ralkap hruaitu ah an rak hman cang mi a si I Iraq biathup vialte a rak chuahpi kho dih ve mi a si. Cu hnu ah 1998 kum ah khan Iraq ralbawi ngan taktak zong a rak that kho ve mi pa raltha a si I 2020 January thla tiang Iran ralkap a hrauitu nganbik a si.

Asinain US nih CIA ah an rak hman mi pa nih a sining le a umkal nak vialte a rak phuan dih mi ruang ah a ralkap bawi hawi le Drone vanlawng in an rak kah I US ralkap nih an thah ve mi a si.

Source: AKonThi

 166 total views,  1 views today

This function has been disabled for Chin 11 News.