Alu Le Ngandam Nak Kong Theih Tha Taktak

Alu hi zeitluk indah a that ti hi kan hngal cio hnga dek maw? Chum zong in, kio zong in toh zong in sa he chuan zong in a phomh in ei zong ah ngandam nak caah a that ning hi khuaruah har a si. Zeibantuk in kan ei hmanh ah kan pum caah a rak that tuk ning hi chim awk tha lo bak a rak si.

Alu a caan hman tein a vui mi pumkhat nih kan pum caah a pek khawh mi hna hi Calories, fiber, Carbohydrate, chi daat, protein, vitamin C, vitamin B6, potassium, magne, magnesium phosphorus, niacin, folate vialte hi Alu (potato) chung ah ai tal mi an si hna. Thingthei le anhringso kan ei mi vialte hna nih hin kan pum caah ngandam nak a rak pek tuk pinah kan thut dir a nuamh lo caan le kan sining a that lo hmanh ah damnak a pe kho mi an rak si hna.

Alu ah hin taan-daat phosphorous le calsuim daat pawl an i tel caah kan ruh ca hrim ah cun khuaruah har in thatnak a rak pek. Cun kan thisen a that ter rih, kan pum chung ah thisen hi cunglei le taanglei in a um ti cu kan hngalh cio ko lai. Cu kan thisen cu buaktlak in a um khawh nak hnga ding ah Alu nih hin a rak siamremh khawh ti a si.

Cun potessium, vitamin C, le vitamin B6 nih hin kan lungthin riantuan nak, kan cuap, ka thin, kan kal te hna ti a rak thawnter khawh rih fawn. Alu chung ah a um mi Choline nih kan thluak riantuan nak caah tamtuk a rak bawmh khawh caah thluak a tthawnter, philh ahmang mi hna nih hngalh than khawh nak zong a pek rih.

Cun a that bik khun nak cun Alu chung ah a um mi Folate nihhin cancer zawtnak a control khawh hi a that bik nak a si. Cun kan zun le ek zong a caanhman tein a chuah ter. Kan pum rih-zan zong kan kum rup tein a chiah khawh. Kan taksa a hnin hno ter caah kan taksa ai dawh peng.

Hi tluk in a tha mi Alu hi ziahhme kan rak ei lengmang lo e. Apam kho tuk.

 303 total views,  2 views today

This function has been disabled for Chin 11 News.