Aizee Khah John Fready Nih A Duh Paoh A Phomh Thluahmah Cang Hna!

Trinity ah Kan Unau Pa, Johnly FamBawl nih ka halmi bia a lehnak le Bible Cathiang ning si bak loin, Bible hrilh fiah, fiannak a tuah ning; John Fready

Q. Gen 1:1 nak i Van le Vawlei a sertu Pathian kha hodah si?

* Johan 1 : 18 Pathian cu ahohmanh nih an hmu bal lo; Pa tang chungah a ummi Fapa pakhat lawng nih a hun langhter.

* Johan 5 : 37 – 38, A ka thlahtu Pa hrimhrim nih keimah kong kha a chim ve ko. A aw nan thei bal lo i a mui zong nan hmu bal fawn lo; a bia zong nan lung chungah nan camter lo, zeitintiah a thlahmipa kha nan zum lo.

* 1Johan 4 – 12 Ahohmanh nih Pathian an hmu bal lo.

* Biathiam 19 : 12 A mit cu meizik aa hliomi bantuk a si, a lu ah bawiluchin tampi aa chinh i ahohmanh nih an hngalh lomi, amah lawng nih a hngalhmi, min khenhmi aa put.

* Johan 20 : 29 Jesuh nih, β€œNa hmuh caah maw na zumh? A hmu lo nain a zummi cu mithluachuak an si,” a ti.

Cucaahcun na hmuh lo bu tein ruahchannak he zum law amah cu thangthat zungzal ko. Abraham zong nih a hmu na lo in a zumh. Cucaah cu a zumhnak cu dinnak ah rel piak a si. Kan thih tikah van kan kai lai kan hmuh te lai ( Biathiam 22 : 4 ) Cucu kan i ruahchanmi a si..

Q. Pathian Pakhat nih maw a se, pakhatnak tam Pathian nih dah a ser?

* Genesis 1 : 2 ti cungah cun Pathian thawnnakb cu aa chawk.

* Johan 1 : 3 Amah thawngin thil vialte ser a si. Sermi thil paoh amah loin zeihmanh sermi a um lo. ( Amah cu Bia ( Jesuh Khrih Pathian sinah a ummi kha a si,” a ti. Johan 1 : 2 )

* Kolose 1 : 15 – 20, nak tiang kha va rel teh. Khrih thawngin Pathian nih sermi kan si dih caah le Pathian nih a ser lio ah a thawnnak cu ti cungah a chawk a ti caah.

* Pathian – Pa

* Jesuh khrih – Fapa

* Thawnnak – Thiang Thlarua

– An pathuam tein an ser ko..

Ka lawm tuk

Tu lio , Trinity doctrine cawnpiak a thiam taktak mi le a ral tha taktak mi, Kan Unau Pa, Johnly Fambawl nih ,

Gen 1:1 nak i , A hramthok ah Pathian nih Van le Vawlei kha a ser.
timi Sertu hi Ho dah a si, tiah Bible bia ka halmi cu a cunglei bantuk in khin hrilhfiahnak a Kan tuah piak huar ko.πŸ˜‚

Sertu; Pathian cu hmuh khawh a si lo nak Bible cacang hmun 6 ah a rak langhter i, Cun, Pathian pakhat nih maw, a ser? Si lo ah, Pakhat nak tam Pathian nih dah, a ser,? tiah, ka bia halnak cu ,

Pathian- Pa

Jesuh Khrih- Fapa

Thawnnak- Thiang Thlarau

An pathum te in, An ser ko. a ti bak ko hih.

An pathum te in ti si ko hi mu!

Acunglei khi amah bia lehnak a tialning te Edit um loin ka rak langhter .

Johnly FamBawl, Trinity doctrine ahcun, Van le Vawlei sertu cu hmuh khawh a si lomi thumkomh Pathian, Pa le Fapa le Thiang Thlarau hna nih An pathum tein An ser hna, tihi ral tha tein an Kan cawnpiak ning a si.

Palh ka phaw lo,

Bible Cathiang cu Pathian bia, Kan ti i, Pathian cu Thlarau a si, ( Jhn 4:24 ) ti a si caah Thlarau bia cu Taksa fim Cawn thiamnak lungthin le mit in cun hmuh khawh le hngalh khawh cu a si fom lo cu teh!

Cun, Cathiang an hngalh khawhnak hnga an lungthin kha a onpiak hna. ( Luk 24:45 )

Onpiak ve lomi lungthin le ruahnak nih hin cun, zeitikhmanhah Cathiang Pathian Biatak hi an pemh in an hngal kho lai lo ticu a fiang bak.

Pemh khawh le hngalh khawh rak siseh law cu, Bible chung i, Nunnak hmuh duhah Cathiang a kawlmi Farasi mi hna nih Jesuh sin kal kha an rak duh ko hnga, ( Jhn 5:39-47 )

Zeicahtiah , Keimah ah dah ti lo cun, hohmanh Pa sinah an ra bal lo.( Jhn 14:6 ) Mizo- English Parallel Bible.

Khah, Johnly FamBawl Trinity doctrine in Van le Vawlei sertu kan zoh cang, ( Trinity paoh paoh nih Johnly FamBawl Trinity doctrine hrilhfiah ning hi an cohlan le cohlan lo ka thei lo. )

An cawnpiaknak le Kan cawnpiaknak Cuai Kan thlai tti tuah lai,

Gen 1:1 A hramthok ah Pathian nih Van le Vawlei kha a ser.

Van le Vawlei sertu Pathian timi hi Kan Unau Trinity pawl nih , pakhat a si lo, thumkomh an si, Pa , Fapa le Thiang Thlarau nih an ser tti, hna tiah fiannak an tuah i Bible cherhchan in si lo in, Trinity doctrine cherhchan in an Sarmon tawn mi tu a si. amah Johnly FamBawl telh chih in, Bible nih cun, Trinity thumkomh nih an ser a ti maw ti lo, kan zoh tuah hna lai.

A hmasa i kan i chinchiah dingah, Trinity nih cun,
Pathian timi Elohim ticu Plural Form a si caah thumkomh Pathian chimnak a si, an ti.

BAWIPA ( JEHOVAH ) timi tucu YHWH in a rami a si caah Singular, thumkomh Pathian hna lak i, Pa Pathian auh nak kha a si. an ti tawn caah ,

An hman ningte le an chim ning tein cawh piak hna lo ding a si lai.

Isa 48:12,13a

Ka thimmi Israel mi hna ngai tuah u, Keimah lawnglawng hi Pathian ka si, a hmasa bik le a hmanung bik ka si.

Ka kut in Vawlei hram kha ka ser hna i van kha ka samh hna,

Deu 6:4

Thei hmanh, maw Israel; BAWIPA hi Kan Pathian a si, BAWIPA lawnglawng hi; ( JEHOVAH lawnglawng hi.)

Isa 45:18 Van a sertu BAWIPA ( JEHOVAH )nih ( amah cu Pathian, vulei dirh in Sertu cu a si. Amah nih vulei hi a fehter I zeihmanhlo ah a ser lo i minung umnak ah a dirhmi a si. ) hi bang in a chim, Keimah hi BAWIPA ( JEHOVAH) ka si. a dang hrimhrim an um lo. ( Keimah hlei ah Pathian dang hrimhrim an um lo, titu khi BAWIPA ( JEHOVAH) a si.

Isa 44:24 Keimah cu BAWIPA ( JEHOVAH ) nanmah an sertu hna le an khamhtu hna ka si. Keimah cu zeizong vialte a sertu BAWIPA ( JEHOVAH ) ka si. Keimah lawnglawng nih van cu ka samh hna, Vawlei ka rak ser lio ah hin a hohmanh nih an ka bawm lo.

( Keimah hi JEHOVAH, thil vialte Sertu, mahte lawngin van vialte a zumtu, mahte lawngin vulei a kauhtertu ka si. ) Baibal Cathiang. NKJV

Johnly FamBawl nih cun, Pa fa rual nih an ser a ti nain, a BAWIPA, JEHOVAH tu nihcun, Johnly , No, Keimah lawnglawng nih, Keimah te lawngin ka ser mi si, a rak ti ko hih.

Job 9:8 Amah lawng in Van khi a samh i, rili tilet cungah a kal.

Hodah mah te lawngin Van a samh tu le vulei a sertu cu ? JEHOVAH-BAWIPA, ( Fapa Pathian i a Pa, Pathian tiah Kan Unau le nih an ruah mi kha si dawh si.)

Hodah rili tilet cungah cun kal,

Jhn 6:18,19 Thli chia a hung ciammam i tilet kha a tho, khan thum khan li tluk lawng cu an zah tikah khin Jesuh cu rili cungin a ke in a rat i an lawng a hun naih kha an hmuh.

Rili tilet cung i ke in a kalmi Jesuh le Amah te lawngin van a samhtu BAWIPA-JEHOVAH cu aa khatmi Pathian maw an si ? aa dang hrimhrim mi Pathian cio cio dah ?

Salm 135:3,4 BAWIPA ( JEHOVAH ) cu a that caah thangthat u zaangfah thiammi a si caah a Min cu hla in thangthat u.

Jakob cu Amah nih aa thim, Israel mi cu amah mi si awkah amah nih aa thim hna.

Jhn 1:10,11 Cu caan ah cun Bia cu Vawlei ah hin a rak um ko. Amah thawngin Pathian nih Vawlei hi a rak ser; Sihmanhsehlaw Vawlei nih khan Amah cu a rak hngal lo.
Amah ram a simi ah khan a ra nain, amah mi ciacia nih khan an rak cohlang duh lo. Lai Bible Thiang. ( Dr. Van bik )

Amah cu Vawlei ah a um cang i Vawlei hi amah in ser a si, Vawlei nih Amah Cu a hngal lo, Amah cu a mi hna sinah a ra i a mi hna nih an rak cohlang lo. Baibal Cathiang ( Dr. Rual uk )

Ani chu khawvela awm sa a ni a, khawvel hi ama Siam a ni bawk a, khawvel erawh chuan Amah chu a hre lo.
Ama mite hnen ah a lo kal a, ama miten an lo lawm si lo. Mizo-English Parallel Pathian lehkhabu ( Upa, Dr. PC Biaksiama )

Mizo – English Parallel, Bible a rel kho lomi caah lai Holh ah cun,

Amah cu Vawlei ah a um ciami a si i, Vawlei hi amah sermi a si fawn i, Vawlei tu nih cun amah cu a hngal lo. ti a si.

Kol 1:16 Thil zawngzawng, Vana awmte, Leia awmte, hmuh theih te , hmuh theih loh te, lalthutthlengte, lalram te, lalna te leh thuneihna te chu ama Siam vek an ni. Engkim aman a Siama , ama tana Siam an ni.

Thil vialte, van i a ummi siseh , lei i a ummi siseh,hmuh khawh mi siseh , hmuh khawh lomi siseh, bawithutdanh siseh, uknak siseh, nawl ngeihnak hna cu, amah Ser dihmi an si. Zeizong vialte hi amah nih a ser i, amah caah sermi an si.

Salm 102:25 Salm 33:6 Jhn 1:3 Heb 1:10 , etc, A tampi rih nain, mah vial hmanh in hin hodah Sertu ticu aa fiang cang ko,

Kan Unau Pa Johnly FamBawl nih cun, Van le Vawlei sertu hi Pathum si hna seh law tihi a duh taktak, nain, a sertu BAWIPA Pathian tu nih cun hohmanh nih an ka bawm lo, a ti diam ai!

Tam tuk Kan chim ah cun, Bible a merh e, Pathian bia a merh e, ti tu ding Comment commando hi Covid-19 nak in tih an nung deuh caah za rih ko seh.

Note = Van le Vawlei a sertu Pathian hi Trinity thumkomh Pathian nih AN sermi si loin, Amah lawnglawng a simi Pathian BAWIPA tu nih A sermi a si.

( hnawh hnam ngai in tialmi a si caah biafang palh a um ah cun, remh than khawh kaa zuam lai)

 247 total views,  1 views today

This function has been disabled for Chin 11 News.