Aho Pawl Dah Covid-19 Zawtnak A Chek Awk Kan Si?

Covid-19 zawtnak phun pakhat khat kan ngeih ahcun ichek ding kan si hna. Mah zawtnak phun pawl cu khuh khuh, thawtnak le rim theih lo, hromfak, chungtlik , thawchuah harh, taklinh 100.00 dikkari ( degrees fahreneit), kihnak (khausik), khuasik ther than lengmang, taksa fak le lufak hi an si.

Cun hi zawtnak phun kan cungah a langh lo zongah ichek kan herh caan um tawn. Mah hna cu kan inn ah maw siloah kan riantuannak ah maw Covid-19 zawtnak phun pawl a ngeimi an um ti kan theih ahcun kan ichek awk asi. Cun hi zawtnak in a zawmi hawikom he aluancia zarhhnih chungah neihniam tein kan um pawl ahcun ichek ah kan si fawn. Dallas zong , cun hmun tampi ah free cheknak an um ko hna.

Cucaah vai chek cio hna usih. Zawtnak kan ngei ti kan theih ahcun kan iralrin thiam deuh lai, mi zong zeimawzat kan humhimter khawh lai caah ichek hi daitlang hna hlah usih. Zeiruangah dah kan i chek a herh? Zeiruangah ti ahcun kan ichek lo ahcun kan thei kho lo. Cun, kan itheih lo tikah kan dawtmi hna le midang kan kiangkam ah um pawl sinah zawtnak chawnh khawhnak lam a tam.

Tulio cu ahopoah kan caah a har dih. Zawtnak nih lungretheihnak le pakhat le pakhat a kan hlatter. Thin tawi ngai cio dingin kan um. Pakhat le pakhat zong a mah ruang, keimah ruang tiin thanghiat le sual ipuh ding phun hna in um fawite. Sihmanhsehlaw, hi Covvid-19 zawtnak kongah pakhat le pakhat cungah hohmanh palh le sual ipuh hna hlah usih. Hopalh hmanh asi lo. Kan si khawh tawk cio in iralrin tu hi kan rian asi.

Nain hi harsatnak le ihlatnak pawl hi caantawi ca lawng an si. Azungzal ca an si hrim lo. Hmailei ah a nuam deuhmi le a tha deuhmi caan thatha hna nih a kan hngak ko.

Laknak: Lewisville Chin Thawngpang Buk

 366 total views,  1 views today

This function has been disabled for Chin 11 News.