Aho Fa Hme Si! Cu Tluk Muidawh le Fim Cu! VIDEO

Lainu mifim tampi kan neihmi hna lakah zohchunawktlak ngaingaimi pakhat ccu Tialtin Rem hi a si. US Indiana i a ummi a si i, Neuroscience le Psychology a cawngmi a si. Laimi ahhin Psychology a cawngmi hi an tlawm te i, uar a um taktak. A mui zong ai dawh i a video zong zoh a nuam bak! A hmanthlak cheukhat hi rak zoh ve. Video a tang cem ah a um lai.

A mui zong ai dawh i a video zong zoh a nuam bak! A hmanthlak cheukhat hi rak zoh ve.

Video na zoh hlanah Aung Myint Thang tialmi hi rak rel ve.

By Dr. Aung Myint Thang 

Kumzabu 20 chung ahcun vawlei cung ah Korea hi Khrihfa a karh biknak ram an si i mission rianttuannak zongah vawlei cungah America changtu an si nain cawnpiaknak dik lo a tam ngaingai nak ram zong asi ve. Nithlak lei ram in Korea ah a rak lutmi cawnpiaknak dik lo tampi an um pin ah Korea chung in ai thawkmi cawnpiaknak dik lo zong hi a karh chin lengmang. Atu Laimi lakah tampi an lut cang.

1.  SHINCHONJI KHRIHFABU

1984 ah Rev. Lee Man Hee nih a rak dirhmi Shinchonji Khrihfabu cu Korea ah lam a tlau taktakmi Khrihfabu ah chiah an si. Member hi Korea lawng ah 200,000 hrawng an si i an pastor, Rev. Lee Man Hee lawnglawng hi vawlei cungah Bible diktein a chim kho tu asi an ti. Vawlei cungah amah cawnpiaknak lawng hi a dikmi asi an ti. Bible nih Rev. Lee Man Hee a rat lai nak hi a chim chung an ti. Bible nih teitu a timi hi kan pastor pa kong hi a chimmi asi an ti. Kan pastor hi a tho tthanmi Jesuh asi an ti. Kan Khrihfabu lawnglawng hi van kainak lam cu asi an ti.

Ram hleihnih hrawng ah church an dirh cang i hi cawnpiaknak dik lo hi Laimi kan sin zongah a phan ve cang. Yangon i an rat i Laimi cheukhat hna an ton hna tik ah Laimi kha an leem hna i an Khrihfabu chungah an luh ter hna i phaisa in an bomh hna. Laimi nihcun kalsual an si kha an theih lo tikah an Khrihfabu kha Kawlram ah an karh ter. Cawnpiaknak dik lo asi ti an theih ko zongah Pathian duhnak nakin sponsor (phaisa bawmtu) ngeih khawh kha thil biapi deuh ah a chiami Laimi Yangon um pastor te cheukhat nih cun an zulh chih ve ko hna. Hi Khrihfabu hmang in Korea ah Coronavirus zong kha biatak tein a rak karh.

2. CHURCH OF GOD (Pathian Church)

Ahn Sohng-Hong nih a rak dirhmi Khrihfabu asi. Pa Pathian a um bantukin Nu Pathian zong a um ve an ti. Ahn Sohng Hong i a nupi, Jang Gil Ja hi Nu Pathian cu asi an ti. Minung hi Pathian nih a kan ser lo an ti. Pathian nih vanmi a rak ser i a sualmi pawl kha vawlei ah a von thlak hna i cucu minung hi kan si an ti. Thla kan cam tik ah Thiang Thlarau min in thla hi cam ding asi i cu Thiang Thlarau cu Church of God a dirhtu Ahn Sohng Hong hi asi i cu a min cun thla cam ding asi an ti. Sabath ni lawnglawng ah i pumh ding asi an ti. Tipil an in peek zong ah Mrs Jang Gil Ja min in an i pe.

Hi Khrihfa bu nihhin Yangon i a ummi Laimi cheukhat pawl phaisa in an bomh hna i sponsor mit lawngte a aumi Laimi Yangon founder cheukhat nih hi zumhnak hi an zulh ve. Anmah he pehtlai in rian an ttuan tti.

3. SONGRAK BAPTIST CHURCH

Kim Ki Dong nih a rak dirhmi asi i a thih hnu ah a fapa nih a rian a chawnmi Songrak Baptist Church cu Korea ah member 500,000 hrawng an si. Zumlotu a thimi vialte i an thlarau hi khawchia ah ai cang an ti. Zawtnak le fahnak vialte hi khawchia nih a chuahpi an ti. An kut namte in an i ah sual zongah khawchia nih a ah ter hna an ti. Motor a rimi zong kha khawchia nih a luh hnawh hna caah motor an ri an ti. Pastor pakhat zong a zawt ahcun si tu din ter loin a khawchia kha an tthawl.

Hi Khrihfabu nih Myanmar ah rian an ttuannak hi kum kul hrawng asi cang. Mizo pawl he an i bawm le an zumhnak cu an karh ter cuahmah. Cawnpiaknak dik lo an si ti an thei ko nain phaisa kha Pathian nakin biapi deuh ah a chia mi nihcun an zul tthiamtthiam ko hna.

Laimi ngaihchia kan va si dah. Phaisa kan ti ahcun Pathian zong zei ah kan rel ti lo.

Peh tthan te ding…

VIDEO zoh ve.

 212 total views,  1 views today

This function has been disabled for Chin 11 News.