Africa Ram Nih Covid-19 Nakin Tihnung Deuh Mi Thil An Tong

Africa ram ah khaubok run pawl billion  bakin an rak chuak than I a tu hi a voihnih nak khaubok run an rak chuah a si caah thinphang thlalau in an um ko hna. Cu khaubok run cu an tamtuk hringhran ah hin a voikhat nak an rak chuah mi nak letkul (အဆေပါင္း(၂၀)ေလာက္) an si lai tiah an ruahdomh mi a si. Khaubok run hi an tamtuk caah an cintlak mi tisik nanhnah, thlai thlak vialte an hrawh dih lai caah faktuk in mangtam kan tong kho tiah zong an ruah mi a si.

Hi bantk in khaubok run pawl hi kum 70 chung ah um kho tiah zong fimthiam cheukhat hna nih an zumh ning a si caah Africa ram ah faktuk in mangtam kan tong kho tiah an chim nak zong hi a si. Leikuang le Lo ram kip ah an khat dih hna, motor lam zong ah an khat dih hna I motorcycle hna hi cu kalter ngam zong a si lo.

Hmanthlak chung I kan hmuh mi hna pawl hi Oldonyria City pawng Kipsing an ti mi khua ah a si I khaubok run nih thingkung hi an cawl ter khawh. An tamtuk ah hin minung pakhat hi cu awl-zaang tein an kan cawi khawh lai tiah hmanh an chim. Hi khaubok run pawl hna hi thetse ramchar in a rak chuak mi pawl an si hna I Somalia loram lei in a rak chuak mi an sitiah an chim ning a si.

Covid-19 I kan ram ah a rak phan lai maw, kan miphun nih Covid-19 in thihnak kan tong te lai maw ti hi cu a fiang rih lo mi thil a si nain Khaubok run nih kan ram le miphun cung ah mangtam a phakter lai ti hi cu a fiang mi a si caah Covid-19 nakin kan caah cun khaubok run hi tih an nung deuh ko tiah zong an chim hi a si.

Ref ; The Sun

 

 216 total views,  1 views today

This function has been disabled for Chin 11 News.