Actress Mya Hnin Yee Lwin Nih Hri-Awk In Ka That Lai Tiah A Rak Tial

Lungretheih nak le thinphan nak, tihnak  nih a ka zual dih I zalong tein le hnangam tein ka um khawh lo caah hir-awk in thih hi ka caah cun ka ngeih chun mi lam pakhat a si ko tiah lemcang thiam Mya Hnin Yee Lwin nih a facebook ah a rak tial.

June 23 ah khan lemcang thiam Mya Hnin Yee Lwin nih cun amah pumpak hman mi Facebook ah “Hri-awk in thih hi ka caah cun a hman bik mi a dik mi lam pakhat ka ngeih chun mi a si. Nan dihlak mangtha Uh!” tiah ca a rak tial I cu tlawmpal suimilam a rauh hnu ah siizung a phan I siibawi te nih an zohkhenh nak hmanthlak pawl zong an rak post than cawlh ve.

“Kan hnu deuh zong ah lungre theih nak faktuk in ka tong I cu lio zong ah cun thih hi ka ham deuh cang mi a si. Lungre theih nak le thinphan nak in ka um caan ah hin cun vawlei cung nun hi ka huam ve hrim lo. Cu ruang ah thih hi ka caah a tha ko tiah ka ruah caah ka tial mi a si I mipi thinphang in a um mi nan cung ah theih thiam nak nan ka ngeih nak lai ka chim than duh” tiah Akon Thi Media sinah a rak chim hi a si.

Ka Facebook ah ca ka tial mi pawl Media nih an post than mi cung zong ah zeihmanh thinhung ding zong ka ngei lo. Ka tial mi an post chin mi a si ko caah an palh nak zong a um lo. Lungre theih le tihphan nak in kan um lio caan ah hin cun thih hi kan I ham deuh theo tawn ko” tiah Mya Hnin Yee Lwin nih cun a chim hi a si.

Actress Mya Hnin Yee Lwin hi an chungkhar buainak ruang ah a vapa he an I then I lungleng ngai in khua a sak lio a si, cu ruang ah hi bantuk in thih a duh nak kong ca a rak tial mi zong ah hin a vapa he an I then ruang zong ah a si kho tiah an zumh.

Source: Akon Thi

 192 total views,  1 views today

This function has been disabled for Chin 11 News.