Actor Pyi Ti Oo Cu A Tuahser Mi Theipar A Hmuh Caah Lunglawmh Nak In Akhat

Minta Pyi Ti Oo nih University kainak ah a rak bawmh mi hna pawl cu boih an lak ve cang hna caah Pyi Ti Oo le a riantuanĀ  hawi sinah lunglawmh nak cakuat an rak tial mi nih Pyi Ti Oo cu a lunglawmh ter tuk hringhran hi a si.

Minta Pyi Ti Oo cu lemcang a tuan mi lawng hmanh si loin amah pumpak bakin Pyi Ti Oo foundation a dirh mi a si caah cu a riantuan nak theipar tha cu nihin ah a zun cang caah lunglawmh nak in a khat mi a si.

Cu a lunglawmh nak kong cu Pyi Ti Oo nih a facebook ah a rak tarlangh i “2010 November 30 ah khan Pyi Ti Oo foundation hi ka rak dirh i tangka chanbau ruang ah fimcawn nak lei a chanbau mi sianghngakchia tlawmpal kan rak bomhchanh hna i a tu ah cun kum 9 lengkai a si ve cang. Pyi Ti Oo foundation nih a hmaithlak mi cu nihrin thluak a tha ko mi le cathiam a si ko nain tangka thazaang chanbau ruang ah fimcawnnak lei hmai a kal kho ti ve lo mi hna pawl hi a bik in kan bomhchanh mi hna an si.

Cu kan riantuan nak cu nihin ah cun theipar tha a hun par cang caah kan chungkhar le ka riantuan hawi hna he tiin lunglawmh nak in kan khat, hi tluk in a sunglawi mi lunglawmh nak kan hmuh khawh nak hnga ding ah cun mi cung ah thatnak tuah hi baa hlah usih” tiah minta Pyi Ti Oo nih cun a facebook ah a rak tial hi a si.

Ref: celegaba

 177 total views,  1 views today

This function has been disabled for Chin 11 News.