Abraham Sang Nawl: Sui Hlei Tial Kha Mirum Fanu Le An Dawt Ngai Mi Fanu Rak Si Ve Sehlaw

Nizan Hakha Time in biaruahnak an tuahmi Sui Hlei Tial ruak fim tawlnak kong ah Mizo ram lei le Thantlang lei bia an chimmi cu a dang deuh ngai in ka hmuh. Thantlang in thenkhat kan pale pawl biachimi nih ka lung a ka fahter ngai.

Sui Hlei Tial hi mirum thawng fanu, thil ti kho ngai le bawi fanu hna sisehlaw zeitindah khua an ruah hnga, an tawlrel hnga i bia an chim hnga? An dawt tukmi an fanu le an fapa hna hei si tuah selaw zeitin dah an um hnga i, bia an chim hnga ti ka ruat? Kanmah cio fanu le fapa si ve selaw, kanmah kungah va tlung ve selaw zeibantukin hme kan va si ve cio hnga?

Salm 82:2-4

2“Ding loin biaceih hi ngol hrimhrim cang u, miṭhalo duhdanh kha ngol cang u. 3Sifakmi le ngakṭah kha an bia ceihpiak hna u, rethei le bawmtu ngei lo kha hmaan tein ruahpiak hna u. 4Sifak le retheimi kha chuah hna u, miṭhalo hna kut chung khan khamh hna u.

Kan miphun chungah dinfelnak, zawnruahnak le dawtnak hi ti bantuk in luang cang ko seh! Amen.

Catialtu: Abraham Sang Nawl